حصريا على الصياد السوري كراكي 2010

تذكير بمساهمة فاتح الموضوع :

السلام على جميع الاخوة الاعضاء
من يومين قرورا الشباب (صفوان واحمد وادهم) يعملونا زيارة على الضيعة طبعا وكان سلاحهم وخرطوشاتهم بالباكاج
وبعد وصولهم مباشر قرروا ما ينطروا الاكل وياكلوا شي على الماشي ونطلع نشوف وضع البطات وطبعا تلاقينا مع (ابومعن وابو علي وابو عبدو)بموعد مسبق على المضرب وكانت النتيجة 15 طير الحمد الله
طبعا خلصنا ووصلنا على البيت وكانت اكلة الكبسة ناطرتنا واكلنا بلا وعي وكمان الف الحمد الله
وثاني يوم كانت فيقتنا بكير وطلعنا لمكان ثاني كمان لنصيد بط
بس بيني وبينكم حاسب حساب نشوفلنا شي رف كراكي لانو صار موعد وصولو
نتيجة البط كانت عدم ؟؟؟؟؟؟؟؟؟؟
بس شفنا رف كراكي بحدود 40 طير طلع على المرعى وكانت وجهتو بعيدة
طبعا بين بسط لشوفت الكركي وبين احباط لعدم وجود بط طلعنا باتجاه السيارة ومع طلعتنا طلع رف كراكي15طير باتجاه منطقة قريبة وانا وابو علي كنا محددين مكان نزلتو فورا
ولملمنا حالنا وقلنا يارب
واحلى شي بالموضوع انو الرف كان نازل بمكان خرج ينعمل فيه كمين
طبعا توزعنا بشكل جيد وراحت السيارة بقيادة ابو علي وابو عبدو ليديروه باتجاهنا وفعلا ومثل مو مخططين دخل الطير بمجال الضرب تقريبا بس على قسم منا والحمد الله اتوفقنا باربعه وطبعا كانت فرحة كسرت الاحباط الصباحي
وهيك كمان رجعنا على البيت لنحتفل بالطرائد وانشغل النار وانبلش شوي
وفعلا يا شباب كان يومين حلوين برفقة الشباب الطيبة لانو ومثل ما بتعرفوا الطلعة مو بصيدها برفقتها والحمد الله نحنا كلنا متفاهمين
وهاي كم صورة من الطلعة انشاء الله تنال اعجاب الاخوة الاعضاء
تحياتي للجميع
ابورعد

[ندعوك للتسجيل في المنتدى أو التعريف بنفسك لمعاينة هذا الرابط]

هلا بالغالي sniper75والله نورت الموضوع يا غالي بردك الحلو وبيشرفنا انك تكون احد اعضاء اسرة المنتدى
وفعلا مثل ما حكيت الكرك داهيه بالحذر بس دايما الفضل لرب العالمين ومو لحدا ثاني
تحياتي يا غالي
ابورعد

ابو سمرة الغالي والله نورت ومشكور مرورك يا طيب
وانشاء الله بالايام يلي جاي بنكون بشي طلعة سوا وبنصيد احلى منهم
وتحياتي يا بطل
ابورعد

عشت اخي ابو رعد والله احلى موضوع واحلى صور واحلى شباب

وفعلا وقت الي بيكون في رفقى حلوي بيكون في صيد دائما

وان شاء الله موسم خير على الجميع

تحياتي اخوك الصياد سعد

هلا ابو سعود نورت الموضوع بمشاركتك
وطبعا الشباب والرفقة الحلوة اساس كل طلعة
تحياتي للجميع
ابورعد

الله يهنيكم ويمد بعمركم ويديم المحبه

وانشاء الله بتروحو رحلات احلى واحلى

تسلم عهد وانشاء الله موسم طيب على الجميع
وطمني بلش السمن عندكم ولا بس عند ابو شهاب
تحياتي للجميع
ابورعد

جميل يا أبو رعد جميل صحتين و هنا ويا مااحلى هالصور ؟؟؟؟؟؟؟؟؟؟

مع تحيات أبو أحمد rendeer

هلا ابو احمد ومشكور مرورك يا طيب
تحياتي
ابورعد

والله جمعا حلوة وصيد حلو الله يوفقكن يارب ...

مااااااشاء الله ملين عليك يبو رعد ويش لمفاجئات الحلوة والصيدات الدسمه
الموسم باين عليه يبي له تمويل فشق دايركت من امريكا.. الله يجمعكم على الخير والمحبة واهم شي القلوب الطيبة والصافيه

ابو رعد حبيبي ابيك تهتم لي بس لصيد البط تراه يثلج قلبي طاريه والله يرزقك يارب ب100 كركايه

تحياتي لك اخوي
اخوك ابو عبدالله

هلا محترف نورت الموضوع ومشكور مرورك يا غالي
ابو عبد الله الحبيب
ههههههههههههههههه
انا فهمان عليك وانشاء الله السنة احلى فيديو واحلى صيد بط
ومشكور مرورك يا غالي وانشاء الله 100 كركاية
تحياتي
ابورعد

الله عليكم يا شباب الصوره كل وحده تقول الزين عندي ماشاء الله تبارك الله عليكم وتسلم يمينكم والله على التخطيط الحلو والرمي الأحلى .

الكركي طير ذكي لكن وين بيروح من ذكى ابو رعد وابو علي والشباب المحترفين .

والصيد الكبير مايجي الا من الكبير .

تحياتي لكم وموفقين بإذن الله والله ما نتمنى إلا إننا نكون معاكم بمثل هالطلعات نستفيد من الجمعه الطيبه ومن الإحترافيه في الصيد والرمي .

الله يهنيكم دائما وابداء ويخليكم لغاليكم ويسعدكم مثل ما اسعدتونا .

شكرا لكم
اخوكم الصغير ابو حمد

ابو حمد الغالي والله نورت الموضوع بمشاركتك العطرة والمميزة ومشكور على الكلام الحلو يلي طالع منك
وانت كريم وابن كرام وما تبخل ابدا بالمساهمة المميزة للمواضيع المميزة
وانشاء الله الايام جاي والله بيجمعنا سوا بشي كمين وز او كركي
تحياتي يا كبير يا ابو حمد
ابورعد

ابو رعد الغالي

السمن بلش من 16 /10 / 2010

وطلعت يوم 22/ 10 / 2010

والله خمس سمنات واربعون عصفور فقط

بالنسبه الي انا مافيني بطلع على الصيد الا نهار الجمعة من الساعة الثالثة ليلا وحتى الثالثة نهارا

ما شاء الله صيد طيب

مشكورين يا شباب على المرور
تحياتي
ابورعد

ما شاء الله عليكم خاربينها وعليهم والنصر من الله

شكرا الكم ياشباب على الجهود الي تقدموها ياريت في اكثر

هلا بصياد الضواري وهلا بقاهر الشامية
نورتوا الموضوع وانشاء الله الافضل جاييييييي
تحياتي
ابورعد

ياسلام يا ابو رعد على هال الصيدات الحلوت واحلا شي صورتكون ونتو مجتمعين سوى الله اوفقكم ويرزقكم ما قصرتو صور بجنن اكتير حلوي والف صحة على قلبك وقلب الشباب كلون

هلا اخ حافظ نورت الموضوع ومشكور مرورك
تحياتي
ابورعد

ما شاء الله تسلم ايدك ابو رعد انت والشباب الطيبة
موضوع في غاية من الاتقان والتنظيم
وبالأخص الحرفية في التصوير
متل ما عودتنا دائما يا ملك موضوع حلو وقوي
كل التحية لكل الشباب وبالتوفيق الدائم

هلا ما هر
نورت االموضوع بمرورك الطيب
تحياتي يا غالي
ابورعد

تعيييييييييييييييييييييييييييييييييش الله حيوا ابو رعود

مشكور اخي ابو رعد
تقبل تحيات اخوك ابو وسام

» اصوات جميع انواع البط والوز حصريا منتدى الصياد السوري
» يشرفني الإنضمام لمنتدى الصياد السوري - الصياد السعودي
» الصياد السوري
» قوانين منتدى الصياد السوري ...
» منتدى الصياد السوري وصل لاوباما !!!