وصلات التحويل بين مؤيد ومعارض

أعزائي الصيادين وصلات تحويل عيارات الاسلحة من العيار الكبير للصغير هي موضع خلاف بين الصيادين واشهرها التحويل من 12الى 36 فالبعض يقول انها تخرب السلاح وتعقره والبعض يقول ما بتعمل شي علما ان لها اطوال مختلفة منها بطول شبر وهي منتشرة جدا ومنها شبرين ومنها بطول السبطانة ومرة شفت واحد في محل ادوات الصيد عم يقيسها بالسنط ومنها له نتاش خاص و صديقي عنده جفت بحط في وصلتين وبروح يصيد ارجو منكم توضيح الايجابيات و السلبيات لها ومضارها على السلاح وشكر مسبق

انا جربت الطويلة وكان طولا اكتر من السبطانة والا عزقة مشان تثبتا بفوهة السبطانة وما بتحرك ومعا نتاش بيركب عنتاش البارودة الاصلي وما عملت اي شي سيء للسبطانة اما رفقاتي في منن استخدم القصيرة وعملت متل الدائرة داخل السبطانة وكان صعب كتير انو تروح هي الدائرة واحيان ما راحت

الوصلات اذا خرجت من السبطانة بطولها لا تؤثر سلبا على السلاح

أعتقد أن الأثر الأكبر يكون على النتاش و أي مشكلة في النتاش المصنع ستؤدي لكسر نتاش البندقية أو إلتوائه

عزيزي فراس بقولوا انو هي الوصلة اللي عم تحكي عنها احسن شي بس ياريت تشرحلنا شوي عن النتاش لانو ولا مرة شفتو

حبيبي ابو جاد هيك بقولوا بس انتو اهل الخبرة وبدنا نتأكد منكم

زميليLattakian Sniper007 اي شي ممكن يأثر على النتاش لانو حساس وخاصة اذا كان لافظ اوتوماتيكي وشكرا جزيلا

اخي الوصلة الي ماحكي عنا ممتازة ونتاشا بيركب عنتاش الجفت الي كان عندي وهوي نتاش مو اتوماتيك الجفت كان ايج 58 روسي نتاش عادي وكانت متل السمنة عالعسل ولا صدا ولا وسخ ولا اي تاثير جانبي بس مو لازن تقوص فيا غير بلاستيك لانو ما بتتحمل نحاس معدنا مو قوي متل السبطانة الاصلية وشي تاني انو بيصير السلاح تقيل

فعلا هي وصلة 5 نجوم ياريت تحطلنا صورة للنتاش من بعد اذنك بس ممكن اعرف انت ايمت بتحطها يعني شو بتصيد فيها
انا عندي بارودة 12 روسية نتاشها اوتوماتيك بس روح ع صيد السمن بكون رح افقع من ورا العصافير الصغار متل البوحن و البورقيطي بتنصحني حطها ولا لا
وهي رابط السلاح
http://imzcorp.com/en/company/32.html

اخي عاشق الصيد
انا حاليا بالسعودية وما عندي اي صور هون
وكنت حطا بموسم السمن بالجفت بالعينة اليمين للبرقيطي وخلي اليسار للسمن
بس ما بنصحك تحطا ازا نتاش البارودة اتوماتيك لانو بيطير النتاش تبع الوصلة يعني بتنفع معك ازا بارودتك الا الزر من تحت الي بيخلي النتاش عادي او ببارودة نتاشا عادي وكمان الوصلة رح تكون اطول من بارودتك بتقريب ال 5 سم

مشكور حبيبي على هذه المعلومات وبارودتي فيها هاد الزر بس هلق انت بتحطها وبتسكر البارودة وبعدين بتركب العزقا ولا كيف و بالنسبة لخردق ضرب ال12 ما بيضرب بلعزقة وفيك تركب لها النتاش و فيك لا

اخي متل ما قلت انا بحطا بالسبطانة وبخلي النتاش يجي فوق نتاش البارودة وازا بدك فيك تشيلو للنتاش عادي بس بدك بعدين تشيل الضرب بضفرك او بشي مفتاح وكتير سهل لانو بيكون ضرب بلاستيك
اما مشان العزقة فما بيضرب فيا ضرب ال 12 وازا كانت طويلة عبارودتك فيك باي مخرطة تقصا

مشكور فراس على هذه المعلومات القيمة وبتضل الوصلة الطويلة احسن من القصيرة لانها بتلم خردق اكتر

انا رح اعطيكم رايي من تجربتي الشخصيه وليس من اساس علمي

اول مره استخدمت الوصله الطويله من 12 -- الى 36 ضمن بندقيه مفرده ايطاليه موديل قديم اسمها

ماكنم وباقل من خمس اشهر صار عندي توسع بحجرة الماكنم علما انها كانت عندي من زمان طويل وكنت اضرب فيها خرطوش عالي الجوده وما حصل فيها اي شي الا بعد الاستخدام للوصله

بمحاوله ثانيه الي لتجاهل الامر واسندت الاسباب لشيئ غير الوصله

اشتريت بندقيه بايكل روسي قديم باب تاني

وجبت وصله قصيره واستخدمتها فيها وبعد اقل من سنه حصل نفس الامر وهلا اذا بضرب فيها خرطوش 12 بيعلق الخرطوش بالحجره واصبح واضح مكان الانتفاخ

فا هي الكلام تجربه شخصيه

مع الاحترام لاراء الجميع

وشكرا لكم

مشكور طائر الفينيق على مساهمتك وانا منشان هيك نزلت الموضوع منشان الكل يستفاد

اخي الغالي بالنسبة للوصلات في موضوع بالمنتدى بيشرح هاي النقطة بالتفصيل وعلى ما اظن هو بقسم اعطال اسلحة الصيد فيك تطلع عليه وان شاء الله بيسرك وبتلاقي الجواب فيه

مشكور ابو هيثم في انتظار جديدك