المو ضوع خاص بقرار وزير الدفاع من اجل خرطوش الصيد انتاج مؤسسة معامل الدفاع

نرجو من السادة الاكارم التعليق على الموضوع وهل يمكن التقدم باقراح على السيد وزير الدفاع من اجل موضوع الصيد وهل من المعقول حتى تاريخه انو الصيد في سوريا ممنوع يعني لحد الان له اكثر من عشرين عام الصيد ممنوع وفي كل دول العالم الناس تتفاخر باسلحة الصيد ورحلات الصيد مع العلم ان القائد الخالد كان صياد ماهر والكل يشهد على ذالك من اجل الاقتراح متل ماسمعانا انو يجب منع بيع الخرطوش الصيد في محلات الصيد وشرائه فقط من مؤسسة كوتا ويسمح بيبيع مئة خرطوشة للصياد على مدى العام الواحد طبعا للمرخص فقط يعني زاد الطين بلة يعني هلق المرخص بل اللادقية ولا بل القامشلي ولا بل الحسكة مين بدو يروح عل الشام ليشتري اربع علب خرطوش يعني التهريب رح بيزيد عشر اضعاف وكمان متل ماسمعت انو عم يشتغلو بل المؤسسة معامل الدفاع ضروب ست وتلاتين 9عن جديدممكن المناقشة وبسرعة بعد ازنكنوهل يمكن تقديم طلب ولو على الانترنت نقدمو او اي شي نعملو من اجل الصياد الكريم

أنا أقول أنه الوقت الحقيقي للمشاركة و الإصلاح فلا تعترضوا طريق الأخ الكاتب فهو يطرح فكرا و هو صحيح و أنتم تقولون الصحيح فكيف نصنع التقاطع ..
نصنع التقاطع بتثبيت فكرة بيع خرطوش الصيد بشكل جيد و فتح الصيد و تنظيمه لكن يبقى بدء التنفيذ أكيد بعد أن تهدأ الأوضاع في البلد الحبيب

ياشباب اكيد الوطن غالي ومافي اغلا منو بس خرطوش الصيد ماهو الي عم يقنص عناصر الامن من اسطح البنايات ولاهو الي عم يشعل السيارات كان في قسم من المخلربين معو اسلحة صيد بس لازم يحاسبو الي دخل هل السلاح من الحدود عل البلد يلي كلنا شفنا هل القناصات المتطورة جدا مع رشاشات البيكيسي ومسدسات الكلوك الاميركي الصنع والقنابل الفراغية ولازم ينعدمو بساحة المرجة المهم مو هاد مو ضوعنا كل اصحاب محلات الصيد سكرة خلا لفترة الاحداث مع العلم انو كافة الجان الشعبية كانة تتسلح باسلحة الصيد لماية احيائها من المخربين والغدارين وهيدا مو ضع للمناقشة فقط مو اكتريعني لازم ينطرح متلو متل اي موضوع تاني

مشكورين جميعا بس لي تعليق على الأخ الغالي أبو عبدو يا عمي انا ما في وقف الصيد بجن جناني حتى اني طلعت 10 أيام على دبي ما قدرت الا فيهن خمس طلعات صيد ههههههه
و أنا معك قلبا وقالبا أخ حسون

ياشباب حتى ينصلح البلد لازم نكون صادقين مع انفسنا
هلق الفترة حرجة وتجاوزناها باذن الله
بالنسبة لقانون منع الصيد مافي داعي نغش انفسنا كلنا عم نطلع عالصيد والقانون مش جايب نتيجة
ولازم ضمن خطوات الاصلاح القادمة الحل
الصحيح انو ينوضع قانون تنظيم صيد معقول منطقيتقدر الناس تلتزم فيه يحدد مواعيد الصيد والطرائد المسموح بصيدها واماكن التصيد وبالأخص انو الحكومة عم ترخصلنا اسلحة صيد وعم ندفع ضرائب لها الشي+

سلامات يا شباب....
الصيد أحلى هواية بالعالم و أنا إذا ما رحت ع الصيد بنصاب بالهيستيريا..... على كلّ نحن هلق لازم نطول بالنا شوي و نشتغل بحيث أنو تهدى الأمور و يرجع بلدنا الحبيب لاستقراره و أمنه و يكون نظيف من كل مخرب أو مسيء.
أما بالنسبة لقرار منع الصيد فأنا ما كتير متفائل بأنو يتناقش أو يسمحوا بالصيد أو على الأقل يتنظم....
(انشاللـه كون غلطان) أما إذا ما كنت غلطان فبتمنى أنو كلنا نكون مع بعض لنشتغل على هالقصة لأنو هالشي حقنا الطبيعي و من كل النواحي:
- منع أساليب الصيد الجائر (الشباك و الدبق و .....)
- السماح للصيادين بممارسة هالهواية الراقية بشكل منظم و أوقات محددة من السنة (مثلا من 1 آب حتى نهاية آذار) و على أنواع معينة من الطيور (المهاجرة مثلاً)
- السماح للمرخصين فقط بالتصيد
بهالحالة منضمن استقرار أفضل للبيئة و منكون عم نمارس أحلى رياضة بالعالم
أما بالنسبة للأسلحة و الخرطوش فلازم يكون عنا وكالات مرخصة رسمية تحت إشراف الحكومة لحتى نقدر نشتري نوع سلاح الصيد أو الخرطوش اللي من حبو (حتى لو كان غالي شوي) و أنا ماني ضد أنو يكون في رسم تصيّد
بهالشي الدولة بتشتغل و بزيد دخلها الوطني و السوق بيتحرّك و الناس اللي بتطلع ع الصيد بتكون فعلاً مؤهلة لهالشي
م. وسيم

الى جميع الاخوة الصياديين راقبت الموضوع واحببت ان اشارك معكم بالوضع الحالي علينا التريث بحكم وضع البلد وبعد ان تعود الامور على ما عليها انشاء الله علينا ان نتحد ونجد طريقة لكي يصل صوتنا بمشكلتنا وان نرفع عريضة الى وزارة الداخلية بطلبنا برفع قانون الصيد وتنظيمه وتحديد الفترات المتاحة .
ولكن يجب ان يكون لنا صوت واحد من خلال منبرنا هذا ولكم الشكر للجميع.
فقانون التصيد بمصر خيرة بما يكون من قوانين يمكن الاستفادة منه تعليمات قانون تنظيم الصيد في مصر.

يا شباب.....
حددوا موعد الاثنين من كل أسبوع للقاء وزير الداخلية.....
شو رأيكم نطلع بزيارة عند سيادة الوزير و نطرح موضوع الصيد و الخرطوش.... أنا متأكد أنو رح نطلع بنتيجة حلوة.....

أنا بتوقع أنو الموضوع عند الدكتور بشار شخصياً و نحن كصيادين لازم نطلب مقابلة الدكتور و نقلو أنو هالرياضة الراقية لازم تتنظم و يكون في حل منطقي يناسب الصياد و المزارع و الدولة
الموضوع جدّي جداً و أنا جاهز لأي ترتيب أو اقتراح من الشباب

اخي وسيم مشكور وانا معك بس براي لتهدى الامور شوي والله محروق على شي طلعة بس الوطن غالي علينا وعلينا ان نتحد جميعا ونرفع مطلبنا ولك الشكر

شكرا لجميع الاعضاء الي اتحفو الموضوع واعطوه جماليه ورونق رائع بمشاركاتهم الراقية
وشكر خاص للاخ حسون الي طرح الموضوع
انا مارح ضيف شي جديد بس بحب اكتب كام كلمة مختصرة بتمنى من الجميع يفكروا فيهم ويا خدوهم على محمل الجد
بسم الله الرحمن الرحيم
لايغير الله ما بقوم حتى يغيرون ما بانفسهم
هذا كلام الله عز وجل وليس كلامنا
انا بشوف ومن موقع مسؤولية امام اجيالنا الصياده القادمة انو لازم نبدا بوضع الية صحيحة ومدروسة بشكل محكم لنتمكن من تقديمها كا مسوده لقرار او قانون اوماشابه ذلك لتنظيم امور الصيد والصيادة ضمن نقابة او مؤسسة او ما شابة ذالك
وان تكون موسسة منتجه لامخسرة للوطن
وان تحمل لواء الاخلاق والرياضة والفائدة للجميع ممن هو ضمنها او خارجها
وبالنسبة للطريقة فا الحوار والنقاش هو الحل الاسلم والافضل لوضع هذه الالية
اما بالنسبة للوقت اذا كان مناسب او لا
فانا اقول لكم ابداوا ولن تنتهوا حتى يصبح الوقت مناسب
ومن الممكن ان يصبح الوقت مناسب واحوال البلاد قد تهدا ولم تنتهوا بعد ولكم شكري وتقديري اخوكم المخلص طائر الفينيق (ابو يوشع)

تحياتي أخي حسون وتحياتي لجميع الأخوة في هذا المنتدى برأيي هالموضوع جزءصغير من معانات الصيادالسوري صرنانحلم بقرارات أوقوانين تبعد صفة الخارج عن القانون عن الصياد ونرتاح من الذهاب للصيد وممارسة هوايتنا النبيلة وكأننا لصوص أومجرمين ومتخففين عن البشروأي شخص تصدفه في رحلتك الترفيهية يكون قادر على أذيتك وقادر يخرب بيتك سواءموظف دولة أوأي شخص اخرمما أبعد الكثير من الصيادين النبلاء عن ممارسة هوايته كي لايعررض نفسه للبهدلة وبالتالي يكون عبء على أهله وأصدقائه وخربااااااااااااااااااااان بيت في حين السائح الأجنبي والعربي يسرح ويهتك حرمات أراضينا وطبيعتنا وبرارينا ويبيد ولا يحلل ولا يحررم وطبعا لديه الصلاحيات ومعه الدعم الكامل وكأنه وفد دبلوماسي رفيع المستوى ...................شئ مؤلم...............اعذروني أصدقائي ....................ورجائا سااااااااااااااااااااااااااااااااااامحوني أنتم أخوتي ومشاكلنا واحدة ..............................وطبعا الوطن فوق الجمييييييييييييييييييييييع والله ينصرجيشنا الملائكي الباسل وتغمد الله شهدائنا برحمته وأسمى ايات الحب والوفاءلقائدنا الغالي بشار الأسد

مشكور جدا يا أبو سعود على التعليق الحلو و شكرا لأبو يوشع لأنو عم يحكي منطق.....
الصيد يا شباب رياضة الملوك و أنا بفتخر أنو أنا مهووس بهالرياضة - أنا مهندس بشركة اتصالات بهالبلد الحبيب بشتغل كل الأسبوع لأطلع نهار الجمعة مشوار صيد مع رفقاتي أنسى فيه الشغل و الضغط
بتمنى نبدأ نوضع اقتراحات عملية و واقعية على الأرض لحتى نشتغل على أساسها و نقدر بإذن اللـه ناخد نتائج ملموسة على أبواب موسم الصيد القادم

الصيد بسوريا ممنوع بس للسوريين بس والله غير اللي خلقنا ما بيمنعنا من الصيد وموسم التفريخ لانو حرام

والله يا أصدقاء أنا سعيد جداً بالوعي والأفكار الرائعة حول موضوع التصيد
وأعتقد يجب علينا التريث حالياً نظراً للاوضاع التي نمر بها في بلدنا الحبيب ونظل على اتصال وعلى نفس الحماس
وانشالله بوقت قريب نقوم بخطوة باللقاء مع الجهات المسؤولة عن السماح بالتصيد وتنظيمه طبعاً
واعتقد أن مسودة قانون التصيد الجديد جاهزة لدى الحكومة وبانتظار مناقشتها و اعتمادها
وشكراً لكم وبالحقيقة أعدتم لي الأمل بأن نشهد السماح بالتصيد قريباً انشاء الله

سلامي للجميع
الوطن اهم من كل شي و انا متأكد انو ما حدا بيطلع عالصيد بهالوقت و بينبسط
بالنسبة للخرطوش و السلاح مو مشكلة المشكلة الرئيسية بقانون من الصيد منعا" باتا"
تنظيم الصيد موجود على رخصنا و اذا بتقرأو التعليمات بتلاقو انه منظم و لسه في دول كثير ماشية على هالتنظيم
بس الموضوع بيحتاج شوية انتباه من اصحاب القرار بالنسبة للناس اللي بتمارس هالهواية الصحية جسديا و عقليا و روحيا"
انشاء الله بينتصر الوطن على الاعداء و بينصلح حال الجميع و منهم الصيادة؟
شكرا

مشكورين الشباب جميعا و كل شي مكتوب فوق بيبشر بالخير

و بطلب من الشباب يسامحوني اذا كان في تكرار لبعض النقاط اللي رح احكي فيهون يعني فعلان مو معروف لمصلحة مين منع الصيد في سوريا يعني صرت فكر انو المنع بس النا مشان يضل الموسم مليان و مرتاح لكام واحد بيجو من لبنان و الخليج بيبيدو كل طيور الموسم و بحنا عم نسمع و نتفرج ... يعني معلش معظم دول العالم فيها رخص لتحوي السلاح و رخص للصيد نفسه...مقابل رسوم معينة مرتبطه بعدد و نوع الطرائد ... في مناطقنا فترات الهجرة بتبلش من اول تشرين حتى اول اذار و معظم اوربا بتسمح الصيد ب 15 ايلول حتى منتصف شباط يعني كتير قريب من التوقيت عنا و طبعا بالربيع و الصيف ممنوع .مع غرامات ماليه +سجن (اوقات التزاوج و قبل ما يطير الفراخ) و طبعا في اعداد محددة لكل صياد من الطيور و حسب كل نوع بالموسم و كمان هالكلام بينطبق عالغزلان و الخنازير و غيرو خاصة المحلي و المستوطن ...و كل صياد هو بيسجل عالرخصة تبعو عدد و نوع الطرائد الي معه .مشان ينعرف شو اصطاد ليدفع الرسم و مشان الاحصاء (ما يهم الدولة ) اما بالنسبة للطيور المحلية متل الحجل و الفازان و الحبش والغزلان و ما شايه كمان بيخضع الصيد لنفس فترةالصيد بس كمان في مين بيربي في مزارع خاصة و بياخد ثمن ذللك وممكن اعدة اطلاق الطيور و الحيوانات عالبرية بالصيف ...الفكرة انو من عائد رسوم رخصة الصيد و التصيد فيك تمول فكرة تربية الطير و الغزال و الخ... في بعض المزارع و هيك بتكون حافظت على النوع و استمراره يعني حميته و من جهة تانية امنت فرص عمل و هيك بكون ماحدا زعلان الكل رضيان (وزير الدفاع ووزير الزراعة و الطير و الصياد)
نسيت قلكون انو ممكن حدا يشرح لي كيف ممكن ينقرض الارنب مشان نعالج منع صيد ه :
تحياتي