الرجاء من جميع الاعضاء الدخول والمشاركة

بداية اود ان اوجه التحية لكل الاعضاء والمشرفين
كثيرا ما تطول النقاشات حول طول السبطانة بين الصيادين وعلاقتها بجمع الخردق
لذا اطلب من كل عضو ان يكتب لنا نوع البنادق التي استخدمها وطول سبطانة كل منها ونتيجة الرمي المحققة
مع الشكر مسبقا

انا اسف كان بودي فيدك بس انا ما عندي غير هوائيات يعني ما بعرف شي بالخردق والخرطوش

انا استخدمت البنادق الطويلة والقصيره

والصراحة ما حسيت بالفرق الكبير

يعني لاحظت انو الشوك هو العامل الرائيسي بهي الموضوع يعني ضيق واتساع الشوك هو السبب برايي الخاص

وممكن اكيد يكون للطول دور بس طبعا ما بيكفي الطول لوحده مع اهمال الشوك وانا استخدمت الامريكيه


نوع( ستيفن) طول 82 سم وكمان الامريكية نوع (موسبيرغ )طول 72 وكمان الروسي (الإيج 27 )طول 73 وما


شفت الفرق الكبير يعني طبعا البندقية الطويلة كانت الافضل بس بفارق ضئيل

هي رايي وتجربتي وطبعابترك القرار للخبراء ولكم الشكر

(ابو يوشع ) طائر الفينيق

الاخ عاشق القنص--طول السبطانة وضيق الشوك والقطر الوسطي للسبطانةوقطر الخردق والعامل الجوي
هما العوامل المؤثرة على المدى القاتل---ولكل شئ عيوب ومحاسن--السبطانة الطويلة تؤدي مدى اكبر--بالمقابل -ارتدادها على الكتف اكبر--واحتمال العطب اكبر---ولاتصلح للقريب---باختصار الموضوع طويل ويحتاج لكتاب-----سلامي للجميع------

اخي انصحك بسبطانة طول 71 لانه الطول الستندر ومع نظام التشوكات

شكرا لمرورك mory وكمان الهوائيات الها متعتها الخاصة

والله يا طائر الفينيق انا ما كنت مصدق انو بيأثر طول السبطانة بشي
ومرة قارنا انا وواحد صديقي بين الروسية 18 جديدة 71 سم والبريتا ام البنت القديمة 76 سم من نفس البعد وعلى نفس الحجر ونفس الخرطوشة والرامي كان في بالحجر 23 حبة خردق بالروسية وبنشر منتظم والبريتا كان في 21 حبة وكل وحدة بمحل
وطبعا اذا السبطانة اطول بدو يكون الارتداد اخف
والسلاح الجديد مبني على اسس علمية لهيك اكيد رح يتداركو ه الشغلات ورح يكون في ميزات اكتر

مشكور لمرورك اخي دريد لهيك اذا الواحد بدو يشتري سلاح بلا تشوكات فبرأي يجيب طول سبطانة 76 لانها وسط بين ال71 و81

والله يا ادم يمكن ال 71 احسن شي مع التشوكات لانو بدك تاخد بالاعتبار مدى الخرطوشة وبعد الطير يعني مستحيل تقوص حجل ابعد من 70 متر

انا وجدت افضل البنادق هي الروسيه بايكال اوتوماتيك مع وضع تشوك *** وراح تدعيلي

شكرا اخي محمد على المرور وعم فكر بالبايكال من فترة

انا مع رأي الاخ ابو يوشع
جربت الايطالي والروسي وماحسيت فرق بينحكا فيه
ياريت اذا حدا بيعرف الاساس لبتعتمد عليه الشركات لتحديد طول السبطانة لان العامل الاساسي بهالموضوع هوي ضغط الغاز لبيتشكل عند احتراق البارود داخل السبطانة وكل مازاد طول السبطانة الخردق راح يحجز الغاز خلفه اثناء مروره بالسبطانة فترة اطول ( اجزاء من الميلي ثانية ) وبالتالي يؤمن سرعة اندفاع اكبر للخرق وذلك حتى احتراق كامل البارود وتمدد الغاز بفعل الحرارة بعد ذلك اذا اذداد طول السبطانة عن حد معين سوق يلعب دور عكسي بسبب احتكاك الخردق بالسبطانة وامتصاص السبطانة للحراة ولذلك نجد ان قطر السبطانة من الداخل يلعب دور هام في الموضوع وكذلك كمية البارود وسرعة احتراقه وكمية الغاز الناتجة عنة وحرارة الغاز كلها تلعب دور هام مع طول السبطانة .
لحتى تكون الاصابة قاتلة لمسافة بعيدة يجب ان تكون شبكة الخردق كثيفة وهنا ياتي دور الشوكات وليس طول السبطانة
بتمنى الكل يفيدنا بالمعلوات لعندو

مشكور استاذ علاء الغالي بس ياريت تقلنا شو التشوك اللي عم تستعملو بالبايكال اللي عندك

يا صديقي عاشق القنص اغلب صيدي عم بيكون بالتوز 34
وقت استعمال البايكال بستخدم الشوك حسب نوع الطير والمسافات لراح ارمي عليها يعني مع الفري شوك 4 و للدرغل فول شوك مع الزرعي 2 او 3

والله غالي اللي عندي معاها بس تشوك 1*3*4

البايكال ما عم يجي معها غير 3 شوكات بتوقع انو هالشي كافي