قصيدة ابكت كل من سمعها

قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للذين يواسونه:

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

صح لسانك يا هشام والله يعطيك العافية

هلا بالغالي هنتور ونورت ياغالي وكل عام وانت بخير

صح لسانك وفعلا ابيات مؤثرة جدا الله يخلي لكل واحد فينا امه ويطول بعمرها والله يعطيك العافية
ابو هاني
صياد دمشق

ابو رعد الغالي منور والله

العم ابو هاني الملك مشكور للمرور الطيب

شرفت ياملك كلك زوووء وشاكر مرورك الطيب

مشكور اخي عهد وشاكر مرورك الطيب

تسلم اخ هشام الورد

اه اه ما اصعب من فراك الام الوالد ه
قصيده محزنه وبديعه بنفس الوقت
انها ماساة حقيقيه وكلها احاسيس ومشاعر

وتستحق الواحد يرد عليها واتمنى كتا بتها بماء الذهب

بارك الله فيك يامبد ع والله احزنت اخوانك صيادي البغدادي
تحيات اخوك ابو زيد الجوعاني الانبار
[b]

مشكور ابو زيد للمرور الطيب وتحياتي الك ولك الاخوة الصيادة بالعراق