الموضوع كيف يتم تحضير كباب الارانب

السلام عليكم مو ضوعنا كيف بتساوى كباب الارانب بس يا جماعة شي ما بينوصف من طيبتو -1 يتم صلخ الارانب البريا وتنظيفها بالكامل-2-يتم تشفايتها وتجريدها بالكامل من العظام -3-يتم طحنها بماكينة الحمة شفرة ناعمة -4-ثمى طحن قليل من لية الخاوف معها -5 بعدها تتبيلها بالبهار وملح ولفها بصياخ بس اكون لف امعلم مو حيلا ولازم اتكون نار هديا وشوي يا معلم وكول وعلى مسؤليتي الي ما جرب هاالاكلي اجربها يا شباب شي رهيب طعمة بتاخذ العقل والله طعمتة لهلق بين سناني وبس جربتوها الف صحة وعافية لاحم الارنب البري ما بتتوقع شو طيبو طيب وبالاخص كباب وسلامي لاخي ابو رعد ولكلشي بها المنتدى

الموضوع كيفيت شوي عصفور التين -1عصفور التين اهم شي انك ما تروح دهنتو يعني طيبتو بشحمو في ناس بتحطو بشوايا وبتشوي وبتروح كل دهنتو بالنار وفي ناس بتشكو بسياخ نفس الشي كمان بروحو دهنتو -2-في طريقتين ممتازات بنصح كل واحد من محبي عصفور التين اجربها /في سفاط قصدير -سلفان-بشكل مربع لشوي وفي الها غطا معاها موجودات بالمطاعم المهم بتصفط العصافير فيها وبتحط اشويت ملح وبتسكرها مزبوط وبتكون مجهز النار فحم جمر وبتحطها وبتدفنها بالجمر فترت 10 دقايق مو اكثر وبعدها طلعهو وكول -الطريقة التانية هيا انو اجيب طاست نيدو انضيفي من الداخل وبتحط العصافير فيها وشويت ملح وسكرها بصمامة تبعتها وبعد ما تسكرها ساوي فتحة من فوق بالصمامة مو كبير زيادي عادي وبعدها حطها على ها الجمرات وكل شي دقيقة اعمللها هزي بسيطة مشان بس بتكون معك شي تمسك الطاسة مو بايدك وبعد ما تشوف انو استو العصافير طلعها وتفرج على هال الدهنات موجودات باسفل الطاسي وكول يامعلم بتترك العصافير وبتصير اتغمس من دهن العصفور والي ما جرب اجرب يا صيادي شي فعلا بتاكل اصابعك وراه من طيبتها احترامي لكل صياد بحب هوايت الصيد وبقدرها وسلامي لزعيم ابو رعد واعضاء المنتدى

مشكور حافظ والله يعطيك العافي تحياني

شكرا الك اخي محترف بالصيد رئيك اكتير حلو ولابد من غسلها متل ماتفضلت شي 10 مرات مشان تروح الزنخة والدم وعلى راسي بلدك يا غالي الله محيي اصلك وزيدك صحة وعافية انت وكل المنتدى وكل محب لرياضة الصيد اخوك حافظ تدمر

على راسي خيي ابو رامي وهدا يا معلم من طيب معدنك الذهب الاصلي وبتمنالك الصير الوفير القطا ارفوف والكرك بالملايين والارانب بالشوالات ههههههههههه اللهم ايزيدك صحة وعافية بتستاهل كل خير انت وكلشي بها المنتدى وبوراعد الله ابارك في على هالمنتدى

اعتقد ان ديرتك ياحافظ هي ديرة الارانب وهذا حدسي لذلك انت عم تتفنن بعمل كباب الارانب وكيف شوي عصفور التين وماعليك زود اخي حافظ ومبين انك صياد مخضرم وعلى راسي بلدك ياخيو
ابو هاني
صياد دمشق

على راسي اخي ابو هاني والله حدسك ابمكانو ارانب عنى بتدمر كتيري لادرج وبالاخص السنة بس يا ابو هاني ما منطلع نقطة بحرك من جهت الصيد لانو حدسي كمان بقلي انك ذو خبرة واسعة جدا بصيد والرماية يعني بواردي وخرطوشتك ومابتخيب والله يعطيك العمر والصحة والعافية على رئيك الحلو

مشكور اخي حافظ على الموضوع الطيب وفعلا لية الخاروف بتعطي طعم طيب على الارنب

مشكور اخي هشام وباينتك مجربها بالية الخراوف مع لحم الارانب لك الف صحة مطرح ميسري يمري صحة وعافية اخوك حافظ

على راسي يا غالي ههههههههههههههه والله معاد اقدر من كتر ما ضحكت يا زلمي انا مشتهيهون اكتر منك هلق لاني حاليا بالامارات بس بدي شهر 11 يجي بس عشان انزل وصدق انت معزوم لعندي على تدمر يا سيدي طلعات ارانب وبط ولوز ومنقعد عندي بالمزرعة قعدي بجنن بس لشوي وطبخ الصيد والمنامي عندي ببيتك يا غالي وتقبل جزيل الاحترام من اخوك صياد تدمر

كييفك خييي صياد البراري عاشت هال الديات الي عم تخط بيها يا طيب واحنا انا كمان الي الشرف نو نتعرف على هيك ناس طيبة شرواك ياغالي وانت هلق بالسعودية بعين الله بس موعدنا بتدمر هه بجي لعندي انا نازل بشهر 11 بس على ما اظن اخي انك من النبك ماهيك وحياك حياك من وين ماتكون وابشر بالخير يا وجه الخير وانشاء الله بيكثر الخير وبصير الربيع وعشب بيربع وغنم من الشبع ما تقدر تمشي وصيد يكثر مشان ما نخلي طير اطير او ارنب تسير هههههههه * خيك حافظ*

خيي حافظ وانا عازم حالي لعندك بشهر 11 لاتعرف على هالوجه السمح وبارك الله فيك وان شاء الله لنا لقاء مع كل الوجوه الطيبة وحياك الله وانت اعتبر ان لك اخ بالشام وبيتك ومطرحك ايمتى ماحبيت بتشرف ورقم جوالي
0944383002
اخوك ابو هاني
صياد دمشق

ياااااااااااميت اهلاااا وسهلااااااا اخي ابو هاني انت بتنور بجيتك علينا وبيتك واهلك وناسك ومن اليوم اعتبر ايلك اهل بتدمر يا غالي والله محييك شدلي الهمة على شهر 11 وا منبقى على اتصال انشاء الله مع تحيات حافظ للاخ ابو هاني الله يحميه

شاكر طرحك للموضوع خيي حافظ وانا من فترة عملت كباب ارانب

وفعلا ياشباب كباب غير شكل....

صحة صحة والف صحة يا طيب وعلى راسي بلدك يا صياد الغر

مشكور اخوى حافظ على موضوعك المميز والله يعطيك الف عافيه

sniper75 كتب:

مشكور اخوى حافظ على موضوعك المميز والله يعطيك الف عافيه

مشكور ياغالي على ردك الطيب وانا اسف على تأخري وحياك الله انت واهل السعودية جميعا من القحطان--لدواسري --لشمر هلا بيك ومشكور على مرورك

الله يعطيك العافية

يا سلام على هالاكلات يلي بتشهي

الارانب بدها خل
بعد اذن اخوي حافظ
بعد ما تشفي الارنب وتصفيه من الدم
تبله بعد ما تقطعة كراديش((يعني شقف قد الكمشة)) وحطه بجاط مع كاستين خل وملح وفلفل واستخدم شوية زنجبيل وحب الهال واتركه بالبراد لتاني يوم
بعدين حطع بصفاية واتركه لحتة تنزل المي منه لحالها بدون ما تعصر اللحم
بعدين ع الفرم مع البقدونس
جرب وردلي الخبر

والتين يا غالي زي ما قلت الذ شي بدهنه

ابوزيد كتب:

يا سلام على هالاكلات يلي بتشهي

الارانب بدها خل
بعد اذن اخوي حافظ
بعد ما تشفي الارنب وتصفيه من الدم
تبله بعد ما تقطعة كراديش((يعني شقف قد الكمشة)) وحطه بجاط مع كاستين خل وملح وفلفل واستخدم شوية زنجبيل وحب الهال واتركه بالبراد لتاني يوم
بعدين حطع بصفاية واتركه لحتة تنزل المي منه لحالها بدون ما تعصر اللحم
بعدين ع الفرم مع البقدونس
جرب وردلي الخبر

والتين يا غالي زي ما قلت الذ شي بدهنه

هلا ابو زيد الغالي كلامك صح ومشكور على تنبيهك المميز ياغالي