نقاش موضوع الصيد على عكس السير

السلام على الاخوة اعضاء منتدى الصياد السوري
من فترة كنت عم اتصفح موقع معلروف عندنا بسورية ولاقيت موضوع وترني بس ما طلعت انا يلي متوتر والاعضاء يلي فيه توتروا منو كمان وحبيت انو تشوفوا الموضوع والردودواسم الموقع .....عكس السير
الموضوع
يستخدم الصيادون السوريون هذه الايام وسائل جديدة بالصيد الجائر للطيور بعد منع الصيد عن طريق الاسلحة من قبل الدولة .
ولجأ الصيادون في الآونة الأخيرة الى استخدام وسائل الصيد الجائر للطيور البرية في القرى والمزارع والغابات باستخدام آلة موسيقية تقلد أصوات الطيور لتجذبها إلى الدبق وإلى شباك الصيادين بحسب مذكرت صحيفة تشرين الرسمية.
وتابعت الصحيفة "وتشير المعلومات إلى أن وسائل صيد الطيور لم تعد تقتصر على استخدام بنادق الصيد التقليدية بل تعدتها إلى استخدام آلة موسيقية تدعى (السكسيكة) وهي آلة تعمل على مدخرة وتصدر أصواتاً شبيهة بأصوات الطيور بحيث تجذب هذه الأصوات الطيور إليها لتعلق في شباك الصيادين أو تعلق بالدبق المستخدم في طلي أغصان الأشجار. ‏
وأضافت "ويصل عدد ما يصطاده الصياد الواحد في رحلة الصيد إلى ما يتراوح بين 50 ـ 300 طير حيث تباع هذه الطيور للمطاعم لتقدم كوجبات طعام أو تنقل لتباع في الدول المجاورة وبأسعار تتراوح بين 40 ـ 45 ليرة للطير الواحد (شحرور ـ سمن ـ فري) وهذا ما يتسبب بتناقص عدد الطيور ويتهدد بعض الأنواع من الطيور بالانقراض". ‏
وختمت الصحيفة بالقول "اللافت أن الجهات المعنية بمكافحة الصيد غير المشروع للطيور لم تتخذ أي إجراءات بحق هؤلاء المخالفين للقانون على الرغم من انتشار هذه الظاهرة في الكثير من القرى والمزارع والغابات". ‏ عكس السير





التعليقات : الآراء الواردة في التعليقات تعبر عن آراء أصحابها وليس عن رأي عكس السير .
الاسم : مسطول


يعني يومية الصياد بلا حسد
150 طير وسطيا ضرب 40 ليرة للطير=6000 ل س لرحلة الصيد الواحدة----اذا هيك بلا خليج بلا بطيخ لنرجع انصيد بسوريا

الاسم : الطير الأسير (مقهور من العربان الغربان سابقا)
العنوان : صيد الطيور البرية جريمة بحق الطبيعة


صيد الطيور البرية جريمة بحق الطبيعة

بسبب الصيد أصبحت بلادنا من أقل دول العالم بالطيور الطبيعية البرية، صيد الطيور ليس سوى نوة أنانية حبا بالقتل، ما ذنب هذه المخلوقات البريئة الجميلة حتى تقتل؟؟ من يزور البلاد الأجنبية ويرى كثرة طيورها وكيف يحرص الأهالي على حمايتها وتأمين الغذاء والآمان لها يدرك كم هي جريمة كبرى قتل هذه المخلوقات البريئة الجميلة، هذا عدا عن دورها الهام في النظام البيئي في التخلص من الحشرات والقوارض.

أين الرفق بالحيوان، أين القلوب الحنونة، أين الشفقة والرحمة في هذا التصرف الوحشي؟؟؟

كيف يطيب لكم وتستلذون بقتل هذه الكائنات ورؤية آلامها. فعلاً الإنسان كائن متوحش يتلذذ على آلام وحياة الأخرين.

اتمنى محاكمة ومعاقبة كل من يقتل الطيور والحيوانات البرية.

الاسم : ابن الضيعة


يا عمي شو منو الحكي لحم السمن والفري كتير طيب

الاسم : شقيف
العنوان : شو هلحكي


عفوا يا سادة هذا الكلام منقوص فالصيادون لايبيعون هذه الاعداد الضخمة من الطيور وللعلم لمن يقول انه بسبب الصيد قلت الطيور فيجب ان يعلم ان طيور السمن والشحرور والفري هي طيور مهاجرة وتمر باراضينا في طريق ذهابها وايابها وهي تتعرض للابادة في اوربا لتاثيرها على اشجار الزيتون وكروم العنب وهذا الكلام موثوق بما انني من محترفي الصيد في سوريا اما الطيور المستوطنة مثل الحجل فهي تواجه بعض التناقص بسبب العابثين من من يحملون السلاح ويطلقون عليها في موسم التزاوج او التفريخ فيهلك سرب بهلاك طائر اضف الى ذلك ان هذه الطيور في موسم التزاوج تصبح غبية وسهلة المنال اما في موسمها فهي تتمتع بذكاء وقدرة على التخفي تمكنها من الاستمرار ومن يحترف الصيد ومبادئه لن يبيع صيده ومن اكثر الوسائل فعالية هي السكسيكة ولكن هناك وسائل اخرى مثل كلاب الصيد والسركة وهي ديمو بشكل الطريدة يا ايها الطير الاسيريجب ان تعلم انه في كل اوربا لايمنعو الصيد بل يشجعوه في اوقاته لينظمو البيءة وهناك جمعيات للصيادين لها حقوقها وتقوم بدور بيئي فاعل ونحن نمنع الصيد في بلدنا بالاسم ولكن عمليا لا يمنع احد من الصيد ويجب ان تعلم ان هذه الطيور من الممكن ان تاتي على موسم زراعي كامل في بعض الاحيان فيا اخي اذا اردت التحدث بموضوع ما يجب ان تكون ملما وان لا تتكلم بكلام فض ينم عن جهل وحب التعقيب لاضهار انسانيتك فاعلم ثم عقب وشكرا

الاسم : علي
العنوان : زعلتني


والله يا طير ياأسير زعلتني كتير وحاسك شوية تانية رح تبكي. الله خلق الطيور أنواع منها للمناظر الحلوة ولأنواع منها للأكل والسمن والفري يا معلم للأكل مو للزينة . وأنا برأيي يصيدوها الناس ويتغذوا منها وبيعوا منها أحسن ماياكلها شي ضبع أو ديب الخ.. من دون شي هالناس ماعم تشوف اللحمة. وعلى فكرة أنامربي طيور . كتيرحلوة

الاسم : معلش كلمة
العنوان : كلمة


لسع بنقول شعب **** ما بيخترع هي يخترع طريقه حتى الحمير في اوربه ماعرفو هل الطريقه صيد على انغام الطيور

الاسم : فاتك مرهج
العنوان : صياد


يعتبرالصيدفي بلدنا بشكل عام هواية مقارنة بدول اوروبا فهو مكلف جدااواللي موصيادما بيعرف هالشئ ام هناك فجمعيات الصيدكثيرة والصيادون كثرويملكون احدث واروع الاسلحة والخرطوش وينظمون رحلات صيدفي كل المواسم سمن شجرور دجاج حرش فري مطواق حجل ديوك عصافيرتين بط طرغل ارانب خنازير غزلان وغيرها ولكن عندنا قليلون من يستطيعوا فعل هذا الشئ

الاسم : MAYANY


ههههههههه سكسيكة حلو الاسم هههه ههه ههههه

الاسم : شقيف
العنوان : ستنى يا معليش كلمي


فعلا لحمير وين مكان ما بيعرفوها ولدليل هاي انتطلعت جاهل فيها

الاسم : حسام


هلق صار صيد الطيور جريمة متل صيد الابرياء بغزة
شو هالحكي الفاضي بلا بيئة بلا بطيخ يعني وإذا انقرض نوع من الطيور شو صار
الامة العربية رح تنقرض ,فلسطين عم تطير من العرب
باسرائيل بربو الكلب وبغنجوه بس عم يقتلو الناس بإجرام فهل هاد بيعني أنو فيه شفقة ورحمة بالطيور وفيه جمعيات ومن هالحكي الفاضي
لا هاد بدو يتسلى والكلب بيسليه فاشترى كلب والسلام وبس يجي على بالو ياكل لحم كلب بيدبح الكلب لانو كلب
باي شباب

الاسم : AL PACINO
العنوان : حقهم الطبيعي


هدا حقهم الطبيعي
لأنو في ناس ما معها تاكل شو يعني بيشحدوا
لأ روحوا صيدوا أحسن ما تحتاجوا حدا في ها الزمن ال...
واللي خايف عالبيئة والتوازن الطبيعي فلا يخاف
لأنو الطبيعة كبيرة وبتوازن حالها لحالها وما رح يأثر عليها كم ألف عصفور لياكلوهن هالمساكين ويسترزقوا منهم


الاسم : حموطة
العنوان : هواية الصيد


انا من اشد الهواة للصيد وهاي السكسيكة عندي من سنة التسعين يعني من 19 سنة وانا بصيد عليها وصناعة ايطالية وممتازة للغاية

الاسم : الصياد
العنوان : مافي غيرصيادين العصافير


والله حكيك موصحيح لانو اخترعو السريكة ياشاطر بعام99وياحبيبي الصيد هواية ممتازة احسن مايروحو يسرقو ويشتغلو شغل حرام

الاسم : مالك الحزين 77
العنوان : تشابه


سبحان الله حتى الحيوان بتلاقيه بينسحب عن طريق الجنس ونقطة ضعفو هديك الشغلة لا وبزيد غباءو في موسم التزاوج

يعني متلو متل البشر

ما يفرق عنو شي

الاسم : صياد عتقي
العنوان : معكم اخوني الصيادين


يعني كم سنة راح يظلوا مانعين الصيد ....
انتو بتعرفوا . ان منظمة البيئة العالمية تدفع مبالغ هائلة للدولة التي تمنع الصيد لمدة سنة . فكيف مدة 25 سنة .
طيب والله مافي شي منفس بها البلد . حتى الصيد منعوا
والله حرام والله حرام ...
أنا بشد على ايدك شقيف كلامك مضبوط مية المية من أجل الطيور التي تتعرض للأبادة في اوربا .. يعني بدل مايسمموها هم . شو فيها ان صدناها نحن
.... والله قلبي على كل الصياده .

الاسم : علي الجسو
العنوان : أختراع


يعني اختراع هل الطريقة للصيد حلوة وفيها لعبة على القوانين عنا بخصوص منع الصيد بس لو هل الصيادين بيستخدمو عقلون بشي يصيد الطيران الحربي للعدو كنا صرنا غير شكل

الاسم : طفشان الزمان
العنوان : ليش بس نحنا حريصين على الطكيور


لك يا اخي ليش بس هالصحف السورية حريصة على هالطيور ما بعرف ليش بتركيا مسموح الصيد و بالاردن مسموح بس عندنا ممنوع و كأن بس نحنا اللي عم نصطاد و بس نحنا يللي عم نهدد هالطيور بالانقراض

الاسم : MOHAMAD
العنوان : [ندعوك للتسجيل في المنتدى أو التعريف بنفسك لمعاينة هذا الرابط]


ممكن تبعتولي نغمة معينة عالبريد تبعي مشان الصيد

الاسم : ابورعد
العنوان : قدمت الموضوع بطريقة كتير غلط


اخي العزيز ممكن انو يكون الحكي يلي عم تحكيه صحيح بس الموضوع يلي لازم تطرحو هو ليش الدوله عم تسلم وبشكل نظامي اسلحة صيد وبترخصها اذ كان الصيد ممنوع وطبعا بعشش على فوهة سلاح الصيد العنكبوت
فاذ بدنا نعالج الموضوع فعلا
لازم نفكر بطريقة علمية وصحيحة
فمثلا بدل ما نمنع الصيد بشكل كامل بنمنعو بشكل منظم
يعني برسوم معينة سنوية على كل صياد واماكن وانواع طرائد معينة ومواسم معينة وكميات محددةمن الطرائد وهيك بنحافظ على نسب الطيور والحيوانات والدولة بتستفيد من الرسوم يلي ممكن تطور فيها محميات او مناطق صيد وكمان بتحصر الاسلحة الغير مرخصة وبتجبر كل صياد على الترخيص
ويلي عم يصير هلق مع الصياد انو بدو يطلع على الصيد شو ما صار وحتى لو انمسك وانهان وعاملوه متل معاملة تاجر المخدرات او القاتل وحتى لواتهموه بجرم مخل بالاداب العامة .....؟ يعني اي تلفيقة
والمسكين بيطلع باقسا الظروف وبيعاني الامرين مشان يصيد كم بطة او كم درغلة او كم ارنب وكتير من الاحيان يعتقل قبل الوصول او قبل الرجوع ورغم كل ذلك بدو يطلع على الصيد فشو رايك انت اي الحلول افضل
ويلي بتاجرو بالطيور هدول ابدا مو صيادة هدول بالاصل ناس عاديين حولوه الصيادة اللبنانيه او الخليجية يلي هنه بس
بحقلهم
يصيدو وباراضينا ونحنا لا
والصياد ياغالي اكبر وارقى من هيك بكتير
تحياتي للجميع
ابورعد

اي شو هالكلام الرائع ابو رعد الحبيب حطيت ايدك على الوجع غليت الرسوم ولايزال الصيد ممنوع شو هالمنطق هاد اما الغوا الرسوم مع منع الصيد او اسمحوا بالصيد مع ارتفاع الرسوم بس الفهمان يلي امر برفع الرسوم دون السماح بالصيد ( اتقوا يوما ترجعون فيه الى الله )
ابو هاني
صياد دمشق

مشكور يا ابو رعوووود رد حكيم ومدروس
بس هيهات اذا لقيت من يسمع
منشكي امرنا لله ومنقول الله يفرجها علينا لان صرنا اخطر من تجار المخدارت

تحياتي للجميع

تهم حياتي لجميع الاخوة انا كمان قريت هذا المقال بنفس الموقع وبالجرايد كمان بس لاتنسى بانه الفلاحين نفس طلبوا السنة الماضية السماح بالصيد وبخاصة بالشمال لانهم بيعرفوا الطير شو بيعمل بالمحصول بعدين يااخي عم نحط مكنات وما عم نجيب ها الاعداد يلي عم يحكوا عنها والله على العكس عم تحس الطير عم يجاوب معك بدون مكنه احن من المكنه.
شو بدي قول الله كريم

لاحول ولا قوه الا بالله
يعني انا هاي هوايتي الوحيده واللي خلقت والحمد لله لقيتها بوجهي شو بعمل ......
انا بس بدي اطالب بمنع كره القدم والسباحه ومنع اي شيء يتعلق بالرياضه حتى الرسم .....
لاني جد بحسد هالعالم العندن هوايات وعم بمارسوها بدون خوف وقلوبهم مطمئنه وانا بضم رايي للشباب ان يخصص وقت محدد للصيد يعني الافضل فصل الشتاء بكون معظم الطير المتواجد عنا مهاجر وخلي اللي كان عندو هوايه صيد وتركها يسترجع زكرياته ويلحق كم سنه من عمره لان يوجد اعداد هائله من الاخوه الصيادين اللذين تركو الهوايه وهم مكرهين واللي هني قدوه النا ومن خيره الرماه بالبلد
وهالشي اكيد مارح يضر البيئه ولا اعداد الطيور بسبب مشاق الصيد وصعوبته هالايام
وهالشي اكيد بعود بالنفع للدوله من رسوم وتجديد والخ .....
مشكلتي الوحيده اني .....مدمن حلفا