أستفسار عن البيكال

يعطيكن لعافية يا شباب أنا علي من لبنان من بعلبك, مشكورين على موقع يا شباب وصيادين سوريا بحيث في أفادة لجميع وتبادل خبرات ولمعرفة في جميع دول عربية,حابب أستفسر وأريد بعض معلومات عن سلاح صيد روسي أوتوماتيك أم خمس تضرب البيكال مب 153 bikal mp 153< عن أنواعة وأسعارة لو بدي عذبكن معي ,وهل هالسلاع مرغوب وجيد ومتين وله سوق كبيرة في سوريا ولبنان وسعرو زهيد جدا مقابل أسلحة أوتوماتيكية أيطالة وأمريكية حسب معلوماتكن وهل موجود بلبنان مثلا في محلات شتورا وفي أية محلات لبيع أسلحة ممكن يكون موجود عنا وبأسعار جيدةوهل في منا شي تقليد غير أصلي,لآن بصراحة يا شباب في تقليد
كتير بالسوق فمنستفاد ونتعلم من أهل خبرة ومن شباب يلي بتملك هادة نوع من أسلحة لآن بصراحة قرب موسم مطوق متل ما بتعرف فالازم نكون مجهزينلو على أعلى مستويات فعمفكر أستبدل سوبر بوزا من ماركة يالديز وهو تركي صنع على البيكال روسية . مشكورين سلف يا شبابعربي على مسداعدتكن ومعلوماتكن لقيمة, ولكم مني جزيل شكر

ويا هلا فيك ومشكور يا خية على رد وأنا أتكلت على الله وناوي أشتري بس شفت في منا 3 أنواع شي فيبر بلاستيك ونوع تاني خشب وموديل معرق ,هل في فرق كبير بين بعض من حيث المواصفات أو رمي ودقة الهدف أو طول البندقية.وهل في فرق كبير بالسعر بين سوريا ولبنان وأدي بتكلف على حد علمك بلينان أنا فصلت وكانت كلفة تقريبا 400$ ,وبالنسبة للتشوك أكيدة لزم يكون متوفرين بلسوق بلبنان بس سمعت أنو لتشوكات يلي بتكون مع لسلاح غير نافعة كتير فأية تشوك جيد وممتاز لجنيع حالات رمي ممكن أشتري.مشكورين سلف يا شباب عربي على مسداعدتكن ومعلوماتكن لقيمة, ولكم مني جزيل شكر

مشكورين يا شباب جميعا على هل معلومات وأنا رح أخد بملاحظتك يا أخي صياد البراري بالنسبة للموه لجديد ,هلآ يعني فينا فرق لموديل قديم عن لجديد حسب ما خبرتنا أنو الشوك تبعو ظاهر برة السبطانة وبكون مكتوب عليها سوبر ماغنوم بينما لموديل لقديم ماغنوم ,بيجي معا 4 تشوكات بمقاييس مختلفة عن بعضة,بس في عندي أستفسار عن منظم لغاز لزم يتم تعيرو حسب وزن لخرطوشة يلي عم بيتم رمي فيها أزا 26 أو 36 .... روكلاج للخفيف وركلاج للقوي يعني ما فينا لقم خمسة تضرب كل خرطوشة وزنة شكل وألأة بتروكب أو بيعلق لسلاح هل هادا شي مظبوط لزم تقريبا لخرظوش يلي عم برمي في يكون وزن واحد تقريبا.لآن أنا بدوك خرطوش فلخرطوش يلي بعبي أمرار بكون لوزن متفاوت من ضرب لآخر أما بكمية لبارود أو لخردق.هلآ 26 غرام و 36 غرام بيعتبر وزن خفيف فبتم تعير لمنظم على وزن لخفيف وما فوق ها لأوزان بدو يتم وضع روكلاج على هافي لود,يعني لنقول متل عندي 5 تضرب كل ضرب لزم تكون حشوة من بارود وخردق وطول ضرب متساوي على 5 لنشوف أداء جيد للسلاح. مشكورين سلف للأهتمام ولمعلوماتكن لقيمة يلي عم بتفيدوني فيهاولكم مني جزيل شكر

اخو على لازم تضبط المنظم عند التغير بين الرصاص الماغنوم والسوبر ماغنم ومبروك مقدما

اهلا فبك خيي علي نورت المنتدى بين اخوانك ومشان
سؤالك الكريم اكيد الشباب فادوك وفي مواضيع كتير بشان هذا السلاح
في المنتدى
واهلا فيك مرة تانية ...

هلا بالاخ علي ان شاء الله تكون استفدت من نصائحنا بس عندي تعقيب على كلامك مابيكون مكتوب سوبر ماغنوم على السلاح انما يكون مكتوب 12×89 على السبطانة وهو مقاس حجرة الانفجار هيك منعرف انو السلاح سوبر ماكنوم بينما الماكنوم بيكون 12×76 وبالنسبة لاستفسارك عن منظم الغاز صحيح هوي يدوي بالبايكل غير الاسلحة التانية العريقة متل البريتا والبنيللي والبراونينغ فمنظم الغاز فيها الية ومتل ماتفضلت انت لازم توحد عيار البارود بالخرطوش وحجم الفوارغ كي تحصل على اداء جيد من السلاح وهل شي بينطبق على اغلب الاسلحة الاوتوماتيك يعني كل ماكان ضغط الخرطوش وطولو موحد بتكون عملية التلقيم منظمة اكتر ولكن اسلحة الشركات العريقة الي ذكرناها بتتلائم مع تغير الضغط اليا بينما البايكل لازم تعيرها يدويا مع تمنياتي لك بموسم صيد موفق

وهي صورة توضيحية لتعيير منظم الغاز بالبايكل مع الشكر للصياد الغر الي ضايف هل صورة بموضوع بالمنتدى

[ندعوك للتسجيل في المنتدى أو التعريف بنفسك لمعاينة هذا الرابط]

تحياتي لجميع يا شباب وألأى أخي صياد لبراري وجميع أخوان,ومشكورين على كل هل معلومات يلي فيدتوني فيها,منتأمل أن يكون لموسم صيد جاي أفضل من لموسم يلي سبق .والله أراضي سورية طيبة لصيد ولمساحات شاسعة بتسمح لطير ياخد راحته ويعشيش ويستوطن بالأرض وهاد شي بيخلق مواسم صيد ممتاز وأختلاف وتنوع كبير بالطيور ولمواسم بلبنان صارة ضعيفة كتير بسبب قلة مساحات خضرا وقلة مطر ولمياه ولبرك طبيعية يعني صيادين لبنان ما عندن منفس ألة موسم لمطوق يلي برحل فوق سهل لبقاع من تركيا ألى سوريا ألى لبنان يلي صار قريب كتير بعد شهر ماكسيمم من الأن وللأسف أنا بسمع أنو لآتراك برشو مبيدات وسموم ليتخلص منو ومن طير سمن أد ما بتكون أعداد عالية لآن بيأثر على مواسمن زراعية ونحنا عنا هان مننطرو مناطرة.وموسمو عم بيكون قصير مش بلكترة يلي تعودنى عليها أو مدة طويلة أما لمواسم تالية من فري وطيبة أو لحمام لبري الله وكيلكن صارة معدومة يعنا من فترة أسبوع ضلينى نهار كلو بسهل نركض ورا لعتريس ومجموع صيدنى كان 6 عتاريس .بالنسة للبيكال يعني شو لعيار أفضل للخرطوشة من خردق وبارود حسب خبرتكن وتجربة ,يعني أنا بوزن لجفت لعادي تقريبا 1.18 غرام بارود ولخردق بكون لفوق لفشك بقليل بعبيها.لو سمحت يا شباب بس أزا بتقدمونى لمحة عن بعض لعيارات جيدة يلي بتجيب هدف بهل سلاح أزا ما فيها تقلة عم نعزبكن معنا ,مكشورين سلف ولكم مني جزيل شكر على عطائتكن وأهتمامكم

مرحبا شباب ..الله يو فقكم على هالموقع الرائد....بدي استفسر عن البكال الخشب الروسية هل هيي افضل من الميراج التركية؟؟ ولكم منيي جزيل الشكر