طلعة وز مع بنيلي 2010

السلام على جميع الاخوة الاعضاء
من كم يوم تشرفنا بزيارة اخونا ابو عبد الله الغالي (بنيلي)
وطبعا الزيارة ما كانت بهدف الصيد بس مثل ما بتعرفوا سمع انو في كم رف وز صغار وصلانين
وما حب يفوت استقبالهم بدون ما يسمع صوت خبطة الاغر من السما على الارض
وبلا طول حديث طلعنا انا وابو علي والمعلم بنيلي وحفرنا النوج ونطرنا طلوع الوز من المي وفعلا وبمعية ابو علي عدا من فوقنا رف وز اخدنا منو كم طير ومرغلنا ريشهم بالفيدرال
وانشاء الله بس يكثر الوز بتكثر النتائج
وهاي كم صورة من الطلعة وبتشمل احلى كبسة مع الفري من يد ابو عبد الله
تحياتي للجميع
ابورعد

[ندعوك للتسجيل في المنتدى أو التعريف بنفسك لمعاينة هذا الرابط]

عشتم شباب واحلى ابورعد وابوعلي وابوعبدالله اي شوهاد خاربينا والله احلى وزات واحلى شباب تحياتي

زائر

ان شاء الله بالتوفيق دوما وبالعوافي وانت ابو رعد دوما سباق لاستقبال الوز لانه ضيف عزيز عليك وعلى معظم الصيادين وبالفيدرال احلى استقبال
ابو هاني
صياد دمشق

ماشاءالله عليكم ابورعد وابوعبدالله وابوعلي صور طيبة وصيد ممتاز وان شاءالله الجاي افضل والله يرزقكم بالصيد الطيب بارك الله فيكم علي الصور الطيبة

حياك ابو رعد وتعيشو وماقصرت والله
خمس وزات بهل الوقت انجاز رائع
تقبل مروري وتحياتي للجميع

اولا حمدلله ع سلامة ابو عبدلله الحبيب و اهلا و سهلا دائما في سوريا الحبيبة
اما بالنسبة الى ابو رعد الغالي فا دائما استقباله بكون مميز للوز و بطرقتة الخاصة
و كان لازم كون معكم في المشوار ولكن الظروف كانت اصعب من المتوقع
و انشاء الله الايام جاية
و سلامي الخاص الى صديقي العزيز ابو علي
و مشتاقيين يا شباب و لله
تحيااتي
المحترف للصيد
ابو رامي

االله يا أبورعد ......................... (محترف)................الله يسمعنا الأخبار الطيبة.............صحتين وهنا

البنيللي .......يعني ابو العبد ......شيخ الصيادين
اهلا وسهلا بابو عبد الله الغالي اللي بصفاته الطيبه وخلقه مانعتبره ضيف لانه يجي بلده الثاني وبيته
الطلعه كانت كتير حلوه ولو الصيد الواصل قليل نسبياا لاكن بدايه موفقه
ومثل ما خططنا من اول خرطوشه لازم ينزل وز وهاد اللي صار
ثاني امر والمهم بعدا التعب ....يظهرلنا الشيف بنللي بفكره الكبسه بالفري وهون حرب الاعصاب بيني وبين ابو رعد ههههه
تسلم ايدك ابو الولييد عالنفس الطيبه بالطهو والله يكتر من طلاتك الحلوه علينا

مشكورين يا شباب ابو جميل ابو هاني ابو محمد ابو رامي علاء ابو سعود وابو علي على المرور وعلى الردود
وهلا ابو احمد من زمان ما طليت علينا بالمنتدى وانشاء الله ما تغيب علينا كثير السنة
ابوعلي كمان لا تنسى جوانح ابو علي المميزة يعني غير شكل
تحياتي للجميع
ابورعد

أبو الرعووووووود الملك مع أبو عبدالله الحبيب الصديق الذي لم نلتق به بعد و أبو علي الدمعة
شلة حلوة و تركيبة رائعة الله يوفقكم و مباركييييين

طيبة يا شباب وتسلم ايديكون على هالطلعة والصيد الحلو
ومبروكين عليكون الصيدات وبالعافية على للجميع
والله محيي ابو عبد الله بسوريا وتحياتي للغوالي ابو رعد وابو علي وماتبلا هالطلة :) :D

هلا ابو محمد الحبيب
هلا بالغالي صفوان ابو جاد الاصلي
نورتوا الموضوع بمشاركتكم يا شباب
وفعلا اشتهيتكم تكونوا معنا لانو كانت اوقات مميزة
وابو عبد الله شب على كيفكم وبيترافق وانشاء الله بنجتمع سوا
تحياتي للجميع
ابورعد

السلام عليكم
ماشاء الله بلش الخير ياخوي ابو راعد منور والله انت وابو علي والاخ او عبد لله
وستفتاحيه حلوه والله يهنيكم وزات مرتبين ياملوك الوز
وننتظر جديدكم ان شاء الله
وتحياتي الكم

كفو ياشباب طيبة ابو رعد وابو علي واهلا وسهلا باابو عبد الله صور حلوة واحلى شي طنجرة الكبسة وريتو الف صحة وهنا على قلبكم والظاهر بلش الاغر يكتر بالتوفيق بالسفرات القادمة تحياتي

عاشو ملوك الوز الأغر

والله أحلى شباب وأحلى صيادة .

أبو رعد الملك .: خيو بدي بيع البيت بالشام وجاي أسكن بالضيعة عندكم :D

أبو علي الملك : الله يعين الحجل و الوز و الأرانب شو عم يصير فيهن :cherry:

الشيف أبو عبد الله : أحلى شيف صياد يزوور سوريا

أخوكم
أبو حمدي

زائر

طيبة واحلى شباب ابو علي وابو عبدالله مشكور خيي ابو رعد عل الصور الحلوة
والطلة الجميلة طالع غير شكل اليوم ههه))اليوم ضربت رف وهرت وحدة بس ماكان عندي غير
طلقة فيدرال وحدة اجت من نصيب المحروسة والفشق التاني winshester 50 g
بس حسيتو اليوم فاشل ياعمي مابعد الفيدرال خرطوش
بالتوفيق دائما خيي ابو رعد وعسكريتي قربت 27 او 28 الشهر هدا نشالله بنلتقي))

هلا ابو الحمزة
هلا ابو عبدو
هلا ابو حمدي
هلا ابو سمرة نورتوا الموضوع يا شباب
ماشاء الله عليكم والله كل رد احلى من الثاني
ابو حمدي يالله بيع البيت وحمل الاغراض وتعال
ابو سمرة يالله ناطرينك كمان
تحياتي للجميع
ابورعد

مشكورين عالردوده الرائعه يا شباب وانشاء الله موسم وصيد طيب للجميع

كفو احلا صياده بالعالم ابو رعد وابو عبدالله وابو على الله يجمعكم على خير

مشكور sniper75على المرور الكريم
وعلى الرد الجميل وانشاء الله الموسم السنة جيد
ابو علي الحبيب الطلعة بلاك نا شفة
تحياتي للجميع
ابورعد

الله على هل الجمعة الحلوة
بتسو كل الوزات يلي بل مي والبرية
احلا شباب والله

هلا ابو زياد نورت الموضوع يا غالي
وتسلم على الكلام الحلو
تحياتي
ابورعد

طيبه يا شباااااااااااااااااب طيبه
5 - 0 على الوزات
وان شاء الله المباراه الجايه 25 - 1
والواحد يعني شي وزه تضرب براس سلندر وهي نازله هههههههههه
اهلا ابو عبد الله ببلدك والشباب مافي داعي نوصف بيوت كرم وجود
صور حلوه وشباب تبيض الوجه منوووورين بمواضيعكم الحلوهوصيدكم الرائع 0
بس ماعجبتني منك استااااااااااذ ( الاصلي والتقليد ) حسابك بعدين

هههههههههههههههه
هلا ابو حميد الغالي
والله نورت الموضوع يا حبيب
نحنا موقصدنا التقليد والاصلي (عم نحكي على القدم بالامر خخخخخخخخ)
ويالله سيدي الوزات عم يكثرواااا
تحياتي
ابورعد

شكرا جزيلا لاخي ابو رعد لحسن الضيافة ولاخي ابو علي على الصحبه الطيبه وللكلام والاطراءات الجميلة والطيبة من الاخوة الاعضاء بمشاركاتهم بالموضوع .
وعند مغادرتي من حلب الجميلة الى دمشق العريقة تشرفت بمعرفتي باخي ابو جاد ( صفوان ) وبعد السلام الحار عرض علي ان نرمي جولتين تراب في نادي الرماية السوري ورمينا جولتين على السريع وبعدها اتجهنا لمكتبه حيث التقيت بشيخ المنتدى ابو هاني وتبادلنا الاحاديث طبعا عن الصيد ولمدة ساعتين حتى حان موعد اقلاع طائرتي الى الكويت .

» طلعة رائعة (بنيلي- ابو عبد الله +ابورعد +ابوعلي )
» طلعة وز في العيد 16 / 11 /2010
» طلعة وز مع هنتور 2010
» عالم بنيلي
» بدايات الشهرمان مع بنيلي وصفوان