رحلة تخييم يومين بالبادية

السلام عليكم ياشباب هي الطلعة كانت من احدا سفراتنا للصيد انا وهنتور باجازة هل سنة كانت سفرة تخييم يومين بالبادية بمنطقة ابو النيتل بجبال ابو الفياض (ديرة المحترف ابورامي) طبعا الشلة كلها موجودة انطلقنا بعد صلاة الضهر وكان الجو كتير كويس وهي صورة بالمنطقة

[ندعوك للتسجيل في المنتدى أو التعريف بنفسك لمعاينة هذا الرابط]

]طبعا وصلنا مكان التخييم مع مغيب الشمس ولما جينا نبني الخيمة قال الكريم خدوو مطر والحمد لله كان وجهنا خير بعد مابنينا خيمتنا تحت الامطار بلشنا السهرة بتحضير العشا وهاي صورة الكبسة والي مشتهي يحول

[ندعوك للتسجيل في المنتدى أو التعريف بنفسك لمعاينة هذا الرابط]

هون الشباب باشرو طحن صحتين وهنا

[ندعوك للتسجيل في المنتدى أو التعريف بنفسك لمعاينة هذا الرابط]

طبعا هنتور الغالي كان جوعان صحة ابن العم

[ندعوك للتسجيل في المنتدى أو التعريف بنفسك لمعاينة هذا الرابط]

وبعد العشا ومع انو الدنيا عبتمطر قلنا نجرب نعمل برمة عالارانب على صفاح الجبل قتلنا ارنبين والله سترنا بعد مازحطت السيارة فينا بجرف وادي وبطقنا 3 مرات وشو بدي احكيلكم لاحكيلكم كانت مغامرة نصها موت والحمد لله رجعنا عالخيمة بسلامة

طبعا الصبح كان المخطط انو ندور على امكان ورود الكدري بس الي مو حاسبين حسابو صار الضباااااب وهي صورة جماعية للشلة شوفو كيف الضباب مغطي عالمنطقة

[ندعوك للتسجيل في المنتدى أو التعريف بنفسك لمعاينة هذا الرابط]

وبلشنا نزبط الارانب منشان الغدا

[ندعوك للتسجيل في المنتدى أو التعريف بنفسك لمعاينة هذا الرابط]

طبعا كان لازم يكون في تفنن بشوي الارانب انا قررت اعمل ارنب على طريقتي الخاصة
[ندعوك للتسجيل في المنتدى أو التعريف بنفسك لمعاينة هذا الرابط]

وهيك كانت النتيجة
[ندعوك للتسجيل في المنتدى أو التعريف بنفسك لمعاينة هذا الرابط]

وهنتور قرر يعمل ارنب على طرقتو الخاصة اسمها ارنب بالتنكة ههههه

[ندعوك للتسجيل في المنتدى أو التعريف بنفسك لمعاينة هذا الرابط]

وبعد ماشلنا التنكة هيك كانت النتيجة هههههههه

[ندعوك للتسجيل في المنتدى أو التعريف بنفسك لمعاينة هذا الرابط]

طبعا الله ستر وكنا حاسبين حسابنا بشوية فروووج شويناها مع الارانب

[ندعوك للتسجيل في المنتدى أو التعريف بنفسك لمعاينة هذا الرابط]

وهاي الشباب عبتاكل من عالمنقل واطيب اكلة باحضان البرية

[ندعوك للتسجيل في المنتدى أو التعريف بنفسك لمعاينة هذا الرابط]

نفس الاركيلة شي ضروري كتير بعد الاكل

[ندعوك للتسجيل في المنتدى أو التعريف بنفسك لمعاينة هذا الرابط]

وقبل المغرب صار الجو صافي قلنا منصيد كم ارنب ونحن راجعين وفعلا ضبينا اغراضنا وانطلقنا وقتلنا خمس ارانب وكمان من جديد الضباب كان بالمرصاد ومابقا نشوف طريقنا بالليل ومشينا على مهلنا لوصلنا بالسلامة كانت سفرة حلوة كتير انبسطنا فيها ومارح قللكم اشتهيناكم معنا لانو كان في كتير مخاطر بس بتضل ذكرى حلوة ومع انو الموضوع ماكان في توفيق بالصيد بس حبيت اعيشكم الاجواء الي عشناها بهل طلعة واسف عالاطالة وتقبلو تحياتي جميعا

كفووو ابو عبدو ع الصور الحلوة انت و الشباب و هنتور الغالي و علما لازم كون معكم بس النصيب كان له كلام اخرى
و يلله انشاء الله الجايات احسن ابو عبدو
تحيااتي
المحترف للصيد
ابو رامي

ماشاء الله عليك يا ابوعبدو ملك ومالك قلوبنا بصيدك الرائع وبتبقى مواضيعك تعبايه راس انت وهنتور ابومحمد الغالي والشباب الطيبة واحلا شباب تحياتي

هلا ابو الريم الغالي مشكور على مروك وفعلا كان لازم تكونو معنا انت وابو جميل بس ظروفكم ماسمحت الجايات احسن ان شاء الله باجواء افضل من هيك تحياتي ياحبيب

مشكور ابو جميل الحبيب على متابعتك الدائمة لكل مواضيع المنتدى احلى ابو جميل شيخ قهوة السكايبي

تعيششششششششششششش

تعيش يا ابو عبدو انت والشباب الله يسلم اياديكم بصراحة موضوع فل أبشن مع فتحة سقف هههههه

وتستاهل عليه أحلى تقييم لعيونك أنت والشباب ووصل سلامي لكل من كان له نصيب من الطلعة

وبانتظار جديدك يامعلم

تقبل تحياتي وفي أمان الله

مشكور حافظ

هلا ابو ليث منور حبيب ومشكور على ردك الحلو تحياتي ياغالي

يا سلام والله التخييم بالباديه بالصيد كله ترا القعده والسهره بالخيمه من العمر

تعيشم يا شباب وابقو كثرو اجنحه ازا كان طباخكم ابو محمد خخخخخخ

بالتوفيق دومااا وبانتظار جديدك يا ملك

السلام عليكم
ابو عبدو الغالي صور حلوه كثير كثير ومخيم مرتب يامعلم الله يهنيكم بصيدكم وصحبتكم
الطيبه وننتظر جديدكم
وتحياتي الك خيو

تعيش ابو عبدو الغالي
هاي الطلعات المميزة والتخيمات المرتبة
والله موضوع خمس نجوم واحلى تقييم
تحياتي
ابورعد

ميت هلا بابو علي الحبيب وتسلم ايديك على الرد المميز وان شاء الله السنة الجاية بيكون النا مشوار سوا تحياتي ياغالي

ابو حمزة الغالي على راسي حارتك خيوو ومشكور لمرورك تحياتي ياحبيب

ابو الرعوود الحبيب مشكور على تقييمك وردك الحلو وتقبل تحياتي واحترامي

تعيش يا ابو عبدو على الموضوع المرتب والانيق متلك
بالفعل كان مشوار نصو موت هههههههه بس هاد الي بيحلي الصيد

احلى شريك ... والقادم مذهل اكتر ان شاء الله

هلا ابو محمد على راسي احلى شريك وعن جد احلى شي بالصيد المغامرة شفت كيف انا كنت فارط من الضحك لما ندفش السيارة وهي مغرزة وصاحبك ابو ممدوح ماسك قلبو بايدو ههههههههه ودعيع ماعبيقدر يتحكم بالسيارة وخايف نقلب بس بتضل ذكريات حلوة وان شاء الله القادم بيكون احلى واحلى تحياتي

حاسس حالي رح موت من البرد على الصور كيف كان الجو ؟؟؟؟ يححححححححححححح
الله يعطيكم العافية و أحلى شباب سراقب الملوك

حبيب القلب ابوجاد مشكور على مرورك ياملك وبالنسبة للبرد يومها كان موت احمر وبتعرف انت بس الواحد لبس بدلة الصيد بيشتغل الشوفاج الداخلي وبيصير الجسم ناااااار هههههههه تحياتي ياغالي

السلام عليكم
الحمد لله على السلامة يا بو عبدو وحلاة الصيد بالمغامرة اللي فيه
الله يستر عليكن ويوفقكن
ومشكور على الموضوع الجميل

الله يسلمك ابوحمزة الغالي ومشكور على مرورك ياحبيب تقبل تحياتي

موضوع: رد الخميس أبريل 07, 2011 4:01 am

تعيش ابو عبدو الورد انت والشباب الطيبة احلى جمعا

هلا ابو عكر مشكور على مرورك الكريم تحياتي ياطيب

» قبل يومين قنصت ذئبان
» يومين من الحصار على البط التشريني
» اخر رحلة صيد بط
» رحلة ارنب على الخفيف
» رحلة استكشاف