استشارة

السلام عليكم
ارجو لجميع الاعضاء تمام الصحة والعافية
قمت مؤخرا بشراء بندقية صيد روسية بايكال خمس طلقات
ولكن حصلت على شوكين فقط ( فل شك 1 - والشوك الواسع 4 )
هل يجب تبديل شوكات البيكل وشراء شوكات جديدة وما هي الانواع الافضل من الشوكات اذا وجب التبديل
ولكم مني جزيل الشكر

شكرا ابو رامي على الرد السريع

أخي العزيز عليك بشوكة 690
وهي الافضل حاليا....

شوكات البايكل الأساسية هي 1 3 4 هناك نقص للشوك 2 في المجموعة من المعمل منذ سنين و الشوك 2 لا يأتي معها
و عل كل حال الشوك 1 فيها شوك مميز و جيد عبر التجربة و ال 3 أيضا شوك للطير القريب

شكرا زيلا للصيادين ابو رشاد وصفوان
شوك 690هل هو خاص بالبيكال ام انه شوك عام
وشكرا لجهودكم

أخي العزيز الشوك صنع امريكي لكنه يتوافق مع البايكال وهو رائع وبشهادة الكثيريين من الاخوة الصيادة وهاي معلومات عنها:
تشوك 690
هذي الكتابه الي عليه
Trulock
Tc 12ga
Ef .690
Tungsten
Approved
وبالتوفيق انشاء الله

مشكور يا اخ ابو رشاد

معلم الشوك 1 بالبايكال يعتبر جيد جدا
لكن انا جبت الشوك ال 690 من امريكا عن طريق النت وهوي شوك اكسترا فول وتوزيع الخردق فيه ممتاز جدا وفوق الممتاز بنصحك فيه وكمان جبت شوك 660 بس بدك تكون معلم بالصيد حتى تصيد فيه عالطاير لانو بيجمع الخردق لدرجة فوق الخيال يعني الصيد فيه صعب كتير عالطاير فنصيحة جيب ال 690

مشكور اخ فراس على المعلومة

نزلي الشباب نصائح خذيت العين ---الي سنتين بدور على شوك 690 وما لاقيت --شوك بنعرفه بالاسم
اين هو الان ---يالله هلق النصائح --ناطرين

انا من ناحيتي ساكن بالسعودية والشوك جبتو عن طريق النت من موقع الشركة بس وفرت اجرة الشحن من الولايات لهون لان صاحبي كان هنيك وجاب الشوك معو طبعا جبت 2 شوك 690 و660 وكلفوني تقريبا 5 الاف ليرة سورية
لكن الشوك هون الواحد بالسعودية بيكلف تقريبا 3700 ليرة سورية وما لقيت موجود غير ال 660 بالسوق هون
بس كيف بدكن تجيبو منو بسوريا والله ما عندي علم
مع اني دورت بلبنان بالاجازة الماضية ما لقيت منو

شكرا لجميع الاخوة على المعلومات
ولكم مني اطيب التحيات

شكرا لجميع الاخوة على المعلومات
ولكم مني اطيب التحيات

الاخ العزيز فراس
ارجو ان تضع لنا موقع الشركة التي اشتريت منها الشوك من الانترنيت كي نراسلها
ولك منا جزيل الشكر

شكرا جزيلا اخ فراس على المساعدة والمعلومات القيمة

ولا يهمك يا غالي انا بالخدمة
بس ما بظن بيسمحو يفوت لعنا بسوريا عالحدود ماني متاكد انن يخلوك او انو الشركة نفسا بتشحنو عسوريا لانو متل ما بتعرف شركة امريكية

شكرا على المعلومات يا غالي

شوك الترولوك هو اسوا شوك في العالم لانه اسم فقط
ليس موجود في مكان ---هذا وهم وقصة خرافية----حدا يتصور معو ويشوفينا ان عندوا هالشوك---اتحدى

معلم دريد لما انا بقلك اشتريت التشوك ووصيت رفيقي يوصلي ياهن من امريكا وصارو معي
وحضرتك بتقول انو مو موجود يعني كانك متقلي كزاب قدام كل الرجال الي هون
ولا انا غلطان؟؟؟؟

معاذ الله يااخي لم اقصد ذالك ---ولكن ضع نفسك مكاني -الي ثلاث سنوات بدور عليه --ووصلت معي ادفع خمسة الاف للي بيجبوا لهذا الشوك ---انا متاكد من وجوده ---ولكني لا اريده عن طريق امريكا بلد الدم
اكره امريكا لدرجة العمى ---فعذرا ياصديقي

ازا هيك بسيطة ولا يهمك
بس هيدا الحل الوحيد
وانا بصراحة كلفوني ال 690 وال 660 واصلين لعندي بدون اجار شحن من امريكا لهون لان رفيقي الي جبلي ياهن معو 5500 ليرة سورية
انشالله تقدر تجيب منن عندك

بالتوفيق لك ولنا بما فيه خير البلاد والعباد

الف تحية لجميع أخوان ولمشرفين بهل منتدى لعزيز,خية فيراس لشوك 690 يلي عندك بيركب على ماغنوم ولا بس هادة لشوك مخصص لسوبر ماغنوم وشوك 690 أدي بيكلف من أمريكا ,أنا فتشة على لتشوك عنا بلبنان بس ما في نتيجة وأكيدة لو كان موجود سعر رح يكون شي خيالي فوق 80$ ويا شباب لبيكال كلفتنا 400$ مع كل لوازمة فما بعتقد تسويق هيك تشوكات بهادة سعر مناسب عنا بسوق وشي غير مربح لتجار لآنة ما حدا مدرا يشتري أو يعرف أهمية هدا لتشوك لأنو هادة لشوك صارلو مدري أكتر من 5 سنين نازل,بس هدا لتشوك مدحو في كتير وأهل خليج وباقي دول عربية متوفر عندن فما ألنا ألة صين أو روس تصنعنا منو أو يعملو شي قريب لآلو,أخي دريد البيكال يلي معك ماغنوم ول سوبر أنا شتريت لماغنوم وكلفتنا شي 400$ من عند الياس عاصي والله سلاح لا يعلاعليه,أنا عم فتش بلكا بلقي شي تشوك براني للماغنوم بس ما عم لاقي وخبرونا انو شوك براني للسوبر ما بيركب على ماغنوم.