نزول ألبيكال م ب 155

يا شباب شركة ألبيكال بدا تنزل على سوق ألبيكال جديدة أوتوماتيك م ب 155 طراز معدل ومحدث عن موديل شهير م ب 153 وذلك حسب موقع شركة على أنترنت وسوف يتم أعلان عن سلاح جديد في معرض للآسلحة على أنواعها في موسكو هادة شهر 13 تشرين أول ,من حيث شكل في فرق بسيط عن ألمودال لقديم أما لوزن فعملو على تخفيفو وتوزيعو بشكل أفضل, وتصميم هندسي مختلف لنظام ألغاز. هادة لينك ألبيكال 155 لجديدة مع صورة وحيدة ومعلومات عنها. [ندعوك للتسجيل في المنتدى أو التعريف بنفسك لمعاينة هذا الرابط]

[b]مشكور اخ علي على الموضوع

والله خبر حلو وخصوصا لمحبي البيابكل

شكرا الك على الموضوع

الف شكر عالموضوع و انا من ممتلكي البايكال و انشالله لما تنزل للبيع رح جيب وحدة

الف شكر على الموضوع

تحية لجميع صيادة ,مبدأيا لسلاح بعدو حديث حتى بأسواق روسيا بعدو ما نتشر حاولت شوف صور أكتر عن نت لكن للأسف غير صورة يل موزع موقع رسمي ما في ,بعتقد بلآسابيع لمقبلة منعرف معلومات أكتر عنا وبصور أكثر وحتى فيديوات لآن موقع رسمي بعدو ما عاطي كل تفاصيل أبرزها أنواع لتشوكات تمنينى أن يكون في شوكات خارجية رصاص وليس لستيل بضاهي جودة شوك ترولوك ويتركب على 153

اخي علي بالنسبة للشوكات الخارجية انا شفت شوكات خارجية طول 3 سم و طول 5 سم و طول 10سم بقياسات مختلفة يعني c 0.0 بيسموه ب روسيا سلندر و 0.25 و 0.50 معك حتى توصل لقياس الرصاصة الواحدة.
ال 0.0 بيجي اوسع من الشوك رقم 4 يلي بيجي مع البايكال النظامي انشالله بس اقدر ارفق صور بعود برفقون (الشوكات اللي عم احكي عنها غير الشوكات الخارجية اللى بتجي استندر مع البايكال 89 السوبر ماغنوم ).انا جبت منو من روسيا علما انو المفارقة الكبيرة انك بالزور بتلاقي قطع للبايكال هونيك او حتى البايكال نفسها سوقها كتير ضعيف هونيك.و غريب هالامر

مشكور يا غالي سلمت يداك

يعطيكن لعافية يا شباب,والله غريب فاجئتني خية معقول لهل درجة ببلد أم ما في بايكال,الله وكيلك قطعت أمل عنا بلبنان أن لاقي شوك براني ضيق بطول منيح يركب على بايكل ,أشتريتن من موسكو أنا بدي وصة خية عم يتعلم بكورسك بلكة بلقيلنى شي شوك ضيق وطويل شو تكلفة لتشوكات تقريبا بالآخص شوك طويل 10 سم أزا كان ضيق وعرضو داخلي ما بين 17 ملم ألى 17.4 معناة لازم يكون ممتاز برماية وبدقة هدف نشاله راضي عنن,سلام تحياتي .

الله يعافيك اخ علي بصراحة انا جبت شوكين التنين قياس استندر بس اطوالن مختلفة جبت 3سم و 5سم ال10سم ما جبتو لانو اول شي غالي و تاني شي ما بيلزم هون يعني ب تقديري ما خرج تضرب فيه خرطوش اقل من 36غ و على بعد منيح .طبعا الشباب عندون خبرة اكتر مني ممكن يصححوا او يعطونا رأين.
وبالنسبة للتجريب لسه ما جربتهون لانو بيني و بينك انا متأمل جربون عالسمن بالمقطع بيجي عالي منيح يعني خرج يتجرب.
ياسيدي بتصور انو في وكاله خاصة بالبايكل ب موسكو بس انا ما عرفت اوصل الها من البعد و الزحمة .قدرت شوف 4 مخازن بس كلها بلجيكيو امريكي و ايطالي و عند كل واحد شفت بالصدفة هالكام شوك اللي قلتلك عليهم و كل مخزن ماعندو اكتر من نموذجين. اسعارهم هونيك معقولة بين 40-50$ للواحد بس ال10سم سعره غالي 100$.و شقتلك اهم شي بالنسبة ل10سم هو الشوك الخاص بالرصاص(المرين) شغلة بتاخد العل لانو باخره محلزن.

نسيت قللك انو ال شوك ال 10 سم ممتاز للوز و البط العالي بس وين الوز و البط يا حسرة

تحياتي أه والله خية عكتر لوز ولبط عنا ببلادنا,عم معزبك معي بدي أستوضح منك شوكين يلي شتريتن 3 و5 سم steal مش lead نشاله تكون شتريت أضيق شوك رقم 1 يلي بعادل شوك lead جواني لآن ببلادنا شوك رقم 1 براني منو موجود لفسرلك ياها بطرقة تانية شو قصدي عرض داخلي للبايكل 18.4 ملم فتشوكات خارجية نظامية تبع شركة أضيق من 0.4 ملم ما بتعطيك يعني بصير أندفاع لخردق ولبارود بعرض 18 ملم فهادة تضييق يعتبر ضعيف بلنسبة لخرطوش رصاص ومنيح على خرطوش ستيل ,أما للتشوك نافع ويلي بضيق منيح ورماية في بتكون جيدة وعلى مسافات للآسف هو لتشوك جواني وتضضيقو 1 ملم فلقطر سبطانة بصير 17.4 ملم فعمليا وتمنينا أنو يكون في شوك براني رقم 1 للبايكل لجديدة .يا زلمي ما لزم أسعار لتشوكات بروسيا تكون أرخص من هيك فاجئتني بسعر, بعتقادة منو صنع شركة صناعة شركات تانية أو تشوكات أجنبية يعني من فترة شي شهر شتريت من شتورة تشوك لفول براني لستيل ب 14$. بتوفيق خية بصيد سمن نشاله بكون موسم مرتب وتشوف على لتشوكات لجداد صيدات مرتبين أما نحنا فنجود بلموجود بلفول ستيل براني وlead جواني لحتى الله يفرج علينا .

انشالله بتفرج عن قريب حابب قللك انو الشوكات الاصلية اللي اجت مع المكنة كلها داخلية و انا جربت نمرة 3 و 4 . ال4 شفتو احسن شي لصيد السمن و الطيور بشكل عام و بتصور انو الفول شوك (نمره 1) ممتاز بس للطير الكبير و البعيد .يعني بمعنى اخر انا ساتون كتير بروسيا عن مضوع الشوك و كان الجواب انو كل ما بعد الطير الافضل ضربو بشوك اضيق ... عا كل حال الشوكات اللي جبتون معي هنه مشان الخردق lead. و في شغلة تانية الاسعار بلبنان ارخص يكتير من هونيك. حتى المكنة ذاتها اغى سعرها تقريبا 900$. بصراحة بتصور انو المخازن بالضواحي و المدن الصغيرة متوفر فيها البايكال و الروسي بشكل عام اكتر و اسعارهم احسن.لاتنسى او ممكن يكون في مين عم يصنع الشوك غير الشركة لانو بيبن معك فورا جودة القطعة انها تختلف من قطعة للاخرى و طبعا ماحدا بيكتب مكان الصنع .عاكل حال انت فيك تجرب الشوكات الداخلية اللي بيجو مع البايكال الماغنوم و هدول في منهم و يتصور انهم ارخص حتى بروسيا سعرهم مش غالي بتذكر انو الواحد بشي 30$ و لاتنسى اني انا كنت غريب هونيك يعني ممكن كتير يكون في محلات اسعارهم افضل .شكل كنت عم دور بمنطقة متل المالكي بالشام (-:

سلام يا خية أبو ورد موسكو معروفة أنو أغلى مدينة بروسيا فواصل غلا حتى لبواريد صيد كمان,أما بلنسة للتشوكات أنا لبايكل يلي معي ماغنوم 28 أنش وتشوكات 3 داخليات مخصصين للرصاص lead وأنا معك أنوتشوك رقم 1 فول جواني ممتاز على مسافات لبعيدة وحتى قريبة يعني أنا رامي في على طيور أو عصافير ذات حجم لصغير متل بو بليق ولسكعكع ومطوق على مسافات 30 متر وحتى 40 متر وبخرطوش 28 غرام بس لو كان في منو براني 3 سم كان رح يكون شي روعة,وشتريت فول براني ب 14$ وجواني فول أرخص ب 10$ بس محيرتنى أسعار شكل أسعار عنا أفضل من روسيا,بتوفيق لآلك ولجميع أخوة.

بس حدى يشتري البيكال 155 ينزلننا صورا وشوكاتا ---الرجاء

إخوتي الصيادين الأعزاء

إسمحو لي بالتوقف عند موضوع شوكات البايكال الرصاص و الفولاذ
أنواع الشوكات هي:
اسطواني, اسطواني معدل, متغير,متغير معدل, تام, تام زائد {خاص بالفولاذ}
{عذرا للترجمة الحرفية}
وبالقياس, كل واحد من الشوكات الخاصة بالفولاذ تعادل الأكبرمنها مباشرة بالرصاص ولكن التجربة بالرماية تظهر إنحراف بمركز تجمع الخردق عن نقطة التسديد عند إستخدام شوكات الفولاذ وأنا أنصح بتجريب الشوكات عند تبديل الخرطوش لإختيار الشوك المناسب لمسافة الرمي المتوقعة.

تحياتي للجميع وبالأخص لأبو ورد الغالي

ما قصرت و نورت اخي ابوعلي و الله عرفتك من الاسم و اهلا و سهلا فيك بأحلى بالمنتدى ,صحيح مالي كام يوم بس يالله مرقها و طبعا بعد اذن الشباب بالادارة و الاشراف و الاعضاء. و لاتحرمنا من طلاتك ابو علي الغالي

تحياتي أصدقائي ويا ريت تخبرونا أول ما تشوفوها بالسوق شخصي مشان نجرربها ومشكور صديقي ع هالموضوع الهام بالنسبة لهواة البيكال سلاح الصيد الجبااااااااااار