اعضاء نادي الرماية في دمشق

مرحبا يا شباب
حابب اتعرف على كل الشباب الاعضاء بنادي الرماية في دمشق مع اختصاصهن
انا لاعب بنادي الرماية بدمشق من عام 2009 جربت كل الالعاب واختصيت بمسدس الهواء 10 متر وشاركت ببطولة الجمهورية اول مرة ب 2009 وكان صرلي شهرين بس وكانت نتائجي 421 نقطة ( طبعاً باستخدام مسدس هواء من عصر النقيفات يا قبل بشوي.... يعني الكل بيعرف شو انواع المسدسات بالنادي) وفي شباب عم تنافس ومعها مسدسات والتر المانية المخصصة للبطولات.

جربت الرصاص 25 متر و بندقية الرصاص 50 متر والتراب
بس احلى لعبة لقيتها هي السكيت وكنت اعتبرها لعبة الترفيه لانها ممتعة وبتريح الاعصاب

ياريت اذا في اعضاء بالنادي نقدر نتعرف على بعض
وشكرا للجميع

هلا اخ عادل بتشرف بمعرفتك انا منتسب الى النادي من هواة السكيت كمان السلاح بلنادي كلوممتاذ بس بحاجة للصيانة ولتنظيف تكلفت البندقية 275000صنع الماني جديدة عم تروكب بسبب عدم الصيانة مع انو السلاح عمرو سنة يعني جديد ------تحياتي

اهلا فيك اخي ابو جاد
بتمنى نجتمع مع بعض شي يوم بالنادي
تحياتي الك ولكل الشباب

مرحبا شباب ممكن تخبروني شوي عن النادي يعني وين صاير كيف فيني اشترك شو شروط الانتساب قديش التكلفة السلاح من عنا ولا من عندن واي معلومات تانية و شكرن كتير

الاخ أبو الليل
نادي الرماية بمنطقة طريق المطار الجسر الخامس خلف مدينة الالعاب هابي لاند
الاوراق المطلوبة للنادي:
سند اقامة
سجل عدلي
صورة عن الهوية الشخصية
4 صور شخصية
رسم اشتراك 600 ل س سنوياً

بالنسبة للسلاح
يوجد بالنادي اسلحة لجميع الالعاب ويمكن استخدامها وتدفع فقط ثمن الخرطوش
الاسعار ( حسب آخر مرة كنت فيها بشهر 3/2011)

جولة تراب 800 ل ( 30 خرطوشة مع 30 صحن)
جولة سكيت 700 ل ( 30 خرطوشة مع 30 صحن)
مسدس رصاص قصير 300 ل ( 50 رصاصة)
مسدس رصاص طويل 600 ل ( 50 رصاصة)
مسدس هواء 400 ل ( علبة 500 رصاصة)

ممكن استخدام سلاحك الخاص المرخص اصولا

انشاء الله يكون وصح الامر
واي سؤال تكر عينك

مشكور كتير اخي عادل بس هلق السجل العدلي يعني لا حكم عليه بس سند اقامة من وين هاد بطلعو يعني

سند اقامة من عند المختار بالمحلة يلي ساكن فيها

اوكيه شكرا معلم عادل

صديقي أنا صفوان كمان عضو بنادي الرماية ألعب رماية التراب
لتصحيح معلومات الأطباق
السكيت 30 خرطوشة صحن25
التراب 35 خرطوشة 25 صحن

شكراً أخي أبو الجود
شكراً على التوضيح, انا نسيت عدد الصحون بكل لعبة
بتمنى نجتمع مع بعض شي يوم بالنادي ( مع اني صرلي مدة ما طلعت بسبب الاوضاع)

الله يفرج على البلد يارب

منتشرف اخي عادل و نلتقي ان شاء الله

شكراً أخي ابو رامي
انشء الله بجتمع كلنا مع بعض بشي سيران راكز
تحياتي لكل الشباب الطيبة

اخ عادل ياريت التوضيح هادي النادي على طريق المطار تابع لنادي الرماية والفروسية الي بالديماس ولا هاد مستقل واذا لحد الان عم يفتح
ولا متل كل الاندية نصها مسكر او تم تخريبو

اخي عاشق البريتا
نادي الرماية تابع للاتحاد الرياضي وهو على طريق المطار ومالو علاقة بالنادي يلي بالديماس
بالنسبة لوضع النادي حاليا
مابعرف اذا عم يفتح ولا لا
انا ما طلعت للنادي من اكتر من سنة

شكراً اخي عادل ماقصرت وياريت لو في شي رقم نتصل فيهن نتاكد