نحن صيادون ولكننا ضد الصيد !!!!!!نهر الفرات في ورطة؟

يا شباب في كل سنة تقرر وزارة الزراعة والإصلاح الزراعي
قرارا يقضي بمنع صيد الأسماك في الأنهار والبحيرات
والمسطّحات المائية من15-3 ولغاية 31-5- وذلك بهدف التكاثر.
ويتم مصادرت المحركات الكهربائية والشواحيف وشباك
وآلات الصيد وكميات الأسماك ومبالغها،
وذلك خلال الفترة الواقعة بين الخامس عشر من آذار
والحادي والثلاثين من أيار
ولكن تحصل تجاوزات متعددة كل سنة عادي تعودنا
ولكن هذه السنة فلتت الامور عا الاخر والصيد علني بالشباك
وحتى بالصعق الكهربائي ومثل
مابقولو على عينك يا تاجر يعني والله ياشباب الصيد
بالبحيرة امام الثروة السمكية بالضبط
بالمنصورة
وجواحيف الصيد بالكهرباء تنزل ليلا نهارا ومو سائلين
ابدا عن حدا والالعن بوحدو جهودن يعني بيمشو كل 5-6 جواحيف
مع بعض وعلى ضرب
كهربا وقتل بالسمك والله حرقو النهر حرق لاظل سمك يتكاثر ولا بيض يفقس
الشباك مسكرة النهر والبحيرة الاف الامتار
من الشباك تمد بالنهر وتترك ومو سائلين وين الثروة السمكية ووين
الدنيا والله الي استحو ماتو
حسبي الله ووين الدكتور رياض حجاب وزير الزراعة من هذا
الفساد والتجاوز والله ملينا وصار بدو الموضوع شوية حزم وضرب
بيد من حديد مشان مصلحة البلد
لأنو مصلحة البلد بالدرجة الاولى ويكفي موظفي الزراعة
رشاوي وفساد ويبيعو النهر كأنو نهر أبوهن
عذرا على طول الموضوع ولكن المصيبة اكبر
وانتظرو صور عن الموضوع

اخ رشوان المشكة عامة وصارت موجودة في كل الانهار والبحيرات وحتى البحر كمان
وصار لازم ينوضح حد للموضوع
وانا بضم صوتي الك لضرورة تنظيم الصيد البري والبحري

مشكور اخي الشاهين وان شاء الله يسمع حدا صوتنا؟؟؟

والله يااخي كلامك صحيح وفعلا في تجاوز بشكل غير طبيعي على الثروه السمكية وبطرق مؤذية وغير مشروعه وكانو السمك راح يترك النهر حرام ظلم الحيوانات بهل الشكل ومشكور لاثارت هل الموضوع المهم
وتقبل تحياتي