من ذكريات الحبرم

السلام عليكم
اسف على الانقطاع لفتره طويله وهذا كان بسبب العمل أغلب الاوقات والصيد في بعض الاحيان هي صور حبرم من صيد اخوي ابو ساهر وكان الصيد في 2007/3/10
وارجو ان تحوز على اعجابكم ورضاكم طبعا الصيد كان في الحسكه وكان الصيد هوه عباره عن ديكين وانثى وكان في ديك منهم ضخكم جدا يزيد وزنو عن العشرين كيلو وشوفت هل الطير وصيدو شي خرافي فيه متعه لاتقارن مع اي نوع من انواع الصيد وشعور الانسان لايوصف لما تعبر هي طيور طايره ويشوفها ويقدر احد من الموجودين في الفريق يصيد منها وكان الصيد من نصيب الاخ ابو ساهر والزلمه الو تاريخ بصيد الحبرم وصورنها بالكميره فوتو وفيديو وفي مواضيع قادمه ان شاء الله راح اشوفكم صور مختلفه للحبرم وصيدو ان شاء الله وارجومنكم ابداء الرائي بكل صراحه
وتحياتي لكل الاخوان في المنتدى

[ندعوك للتسجيل في المنتدى أو التعريف بنفسك لمعاينة هذا الرابط]

وتحياتي للجميع
ملك الصيد

مشكور اخ روم زيرو على الصور والموضوع المميز وياريت من زمان منزل الصور
لانو اخونا وصديقنا ابو علي وصلتو وحده من الصور من شخص اسمو عمار واتدعى انو هو يلي صادهم وابو علي نزل الموضوع وانو عمار يلي صاد الحبرم والاخ قناص اكد انو عمار يلي صادهم ودارت المناقشة حول الموضوع وانت حسمت الامر بالصور وطبعا ابو علي طلب حذف الموضوع بس انا وابو معن ردنا يصير الحذف بعد ما تنزل انت الموضوع الاصلي
مشكور مرة ثانية اخ روم زيرو واهلا فيك بالمنتدى بعد غياب
تحياتي للجميع
ابورعد

السلام عليكم اخ روم زيرو ما شا الله صيد ولا بل الاحلام تسلم ايديك على الموضوع
اما بل نسبة لابداء الرئي عندي رئي زغير كتير
حسبي الله ونعم الوكيل
لا اخفي عنكم يا اخوان جميعاً انا مستاء جداً من الموقف الباهت بحقي وبحق ابو علي انا بعتذر منك يا ابو علي جداً جداً بس لازم تعذرني لانو لا ناقة لي في الموضوع ولا جمل

صدقن بمثابة جلطة على راسي بس كل واحد بيتعلم من كيسو
على كل الاحوال تحياتي للجميع

وياااااااااا هلا و الله حيو بروم زيرو الغالي ... ابو حمزة ملك الصيد
اخوي ابو حمزة انا عاذرك عن غيبتك عن منتداك منتدى الصياد السوري
و انا كنت ناطر انك تنزل الموضوع و انا طبعا عندي علم بصيد هالحباري
ووقت خبرتني وقت صادهون ابو ساهر فعلا فرحتلكون لانو صيدة مرتبة
و تحياتي الك يا ابو حمزة الغالي و لاخوي ابو ساهر تسلم يمينه
و بانتظار مواضيعك و صور صيدك للوز و الكركي
و ع فكرة يا شباب ابو حمزة من الصيادين المحترفين و الشباب الطيبة
مع اشواقي و سلامي الك يا ملك الصيد

ما تواخذونا يا شباب دخلنا بلموضوع بسرعة بدون حتى ما نسلم طبعا هالشي بسبب الموقف المحرج اللي حطيتونا فيه بدون ما يكون النا فيه ناقة او جمل تحياتي للاخوة ابو رعد وابوعلي وكل الاعضاء وخصوصا الاخ قناص اللي استخدمت اسمو وكلمت مروره لاني ماني عضو في المنتدى[بس كان الي عليك عتب صغير كان لازم تغطي وجهي قبل ما تنزل صوري ...........هيك بكون اريح] اخوكم اسد الفرات ابو معاذ

اخوي الغالي قناص
انا شفت ردك على موضوع اخوي الغالي ابو علي
و بصراحة انصدمت وقت ادعيت انو عمار الي صاد الحباري
لانو انا كنت على علم بموضوع الصيدة و حتى الصور موجودة عندي
و ترويت شوي بالرد على الموضوع و تناقشنا مع الادارة بخصوص هالموضوع

بس معلش اخوي الغالي قناص ولا يهمك .....

مع تحياتي لجميع صيادة سورياااااااااااااااا
اخوكم ابو معن

موضوع: الاخ ابومعن السبت يونيو 19, 2010 2:59 pm

اابو معن الغالي ...............الرد نزل تحت اسم قناص بس اللي كتب الرد هو انا عمار [اسد الفرات] ابو معاذ

مشكورين كل الشباب يلي شاركوبالموضوع واخويالعزيز اسد الفرات
انت لو قريت الموضوع كنت عرفت انو يلي كتبو الاخ روم زيرو ما بستحق غير الشكر على الموضوع الحلو وتسلم يمين ابو ساهر على الضربة الحلوة
تاني شي الموضوع موضوع سوء تفاهم لا اكثر ولا اقل ونحنا ناس بالنهاية حضاريين ولازم نفهم ونعالج الامور بشكل صح
وانارأيي انو الغلط مو غلط حدا لا انت ولا الاخ قناص ولا الاخ ابو علي ولا الاخ روم زيرو والغلط صار بتناقل الصور فقط وكل غلط مردود
واخيرا بنتمنى منك اخوي ابومعاذ الغالي تشترك بالمنتدى وتزيدنا صياد مرتب وتشارك باسمك الحلو ومواضيعك يلي راح نستناها وننسى اي سوء تفاهم صار
تحياتي للجميع
ابورعد

[center]السلام عليكم شباب

اولا احيي اخي الحبيب ابو حمزه والاخ ابو ساهر عالصيده الحلوه

وانشاء الله كل سنه الكم زي هالضربه وبزود وتمتعونا بهالصور الحلوه

الامر الثاني اتمنى من الاخوه عمار وعمر ان يدخل كل شخص باسم مغاير ليساعد الاخوه في معرفه صاحب النص والموضوع

وانا بعتزر من الجميع لو اخطات وحصل خير انشاء الله بتكون فرصه لنتعرف عالشباب الطيبين

مع تمنياتي بالتوفيق للجميع
ابو علي

اول شي اخ قناص الغلط يلي عم تحكوا عنو ما هو غلط مازال لا انت ولا ابو علي ادعيتوا انو هاد صيدكم وتاني شي ابو علي وانا وكل الاعضاء وانت هون اسرة وحدة وبس
يعني ما بيناتنا اي حساسيات وعلى هاد الاساس نحنا عملنا المنتدى
واذا بدو يكون غير هيك معناتها نحنا فشلنا
وبالنسبة الك اكيد ما بيصير تغادر المنتدى ونحنا ماراح نسمحلك بالشئ هاد وما في حدا اخد منك موقف او متهمك ونحنا كلنااخوتك
فلذلك ما عاد في حديث بالموضوع هاد اذا سمحتوا وبدنا نشوف منك مواضيعك الحلوة يلي عودتنا عليها
تحياتي للجميع
ابورعد

موضوع: ابو علي تأكيد الأحد يونيو 20, 2010 1:24 pm

السلام عليكم
[ندعوك للتسجيل في المنتدى أو التعريف بنفسك لمعاينة هذا الرابط]

زائر

احلى شباب واحلى صيادة والحمد لله ماصار شي
بيزعل كلكون اخوان وحبايب ..
وبتظلو اخوة ولازم الصياد فيه روح المحبة والاخلاص وعدم
الانزعاج متل هذه الحالات والله يوفق الجميع...

الاخ الغالي عمر انا مو زعلان من اي شخص لاننا اخوه بهالمنتدى ولابعتب عليك لاني حاسس فيك والله وانتي مثلي يعني بالاول والاخر الصيده لصاحبها ونحنا حبينا الصوره والحمد لله ماصار شي
وكلنا منغلط ومنتعلم من غلطنا بس الي عتب صغير على عمار لانه عميعطي علينا شوي وبدي قله اهلا وسهلا فيك اخي الغالي احنا اهل والله يجمعنا فيك عن قريب

ثانياا انتي شيخ الصيادين ومو ناطر حدى يعطيك تقييم يا طيب بيكفي حبك وشغفك للصيد واحنا ما نستغني عنك وعن مشاركاتك المفيده

يلا ناطرين شي موضوع مرتب منك وانسىىىىىىىى اللي فات

مرحبا شباب
اخوي الغالي قناص
شبك يا رجال الموضوع انتهى و سكرنا عليه
و انت من الاعضاء النشيطين و المميزين في المنتدى
و دخول الحمام مو متل طلوعو

و اكيد صار سوء تفاهم و التباس
و نحنا ناطرين مشاركاتك و مواضيعك المميزة

مع تحياتي للجميع
اخوكم ابو معن

السلام عليكم
اخواني شكل الكم على الروح الطيبه وان شاء الله
تعود الامور الى مجرها الطبيعي المهم الكل لازم يعرف انونحنا اخوان وكلشي بيتصلح
وارجو من جميع الاخوان الاستمرار بطرح المواضيع الجميله الي تعودنا عيها من كل الاخوان
وتحياتي للجميع

احلى تقييم الك ولا تحرمنا هيك صور طيبه يا حبيب

السلام عليكم
الاخ ابو علي الف شكر الك على التقييم وكلامك الطيب
وتقبل حترامي

ماشاءالله اخي RUM ZERO
خوش صيد وان شاءالله الجاي افضل بارك الله فيك

السلام عليكم
الف شكر الك اخوي gofoxpro على المشاركه في الموضوع
وتقبل تحياتي

السلام عليكم RUM ZERO
اخي عندي استفسار تعرف ابوجاسم ساكن غريب من جبل عبدالعزيز هو من عشاق صيد الحبرو وكنا عندو في شهر واحد لصيد الوز وكان يقول الحبرو موجود

السلام عليكم
والله انا اماعرفو للشخص الي ذكرتو واذافي اي استفسار تانيي انا جاهز
وتقبل تحياتي

ما شـــــــــــــــــــــــــــاء الله

الله محييك يا عادل . والله محييكن يا شباب على الروح الرياضية العالية

كل الشكر الك يا غالي عالصور الجميلة
اخوكم بهاء

السلام عليكم
الف شكر الك اخوي بهاء على المشاركه وعلى الكلام الطيب
وتقبل تحياتي وحترامي

» هل هي ذكريات
» ذكريات الزرعي
» (( _ ذكريات على نهر الخابور / ليلة ويوم / _ )) / أبو ليث /
» ذكريات من الماضي
» للصور ذكريات جميلة ..... المحترف للصيد