انا والذيب ....

تذكير بمساهمة فاتح الموضوع :

السلام عليكم اخوتني الاعزاء
اهدي هذه الصور للاخ الغالي ابو زيد الجوعاني وبقله حمد لله عالسلامه يا اخوي وانشاء الله لا ينعاد معك هالموقف لا انت ولا جميع الاخوه
لانو اللي صار معك صار معي وبصيد الحجل ايضا وكلنا منعرف الذيب ومدى قوته وشجاعته وحذره الشديد لاكني والله تفاجئت فيه يوم كنت فوق رجم صخر عالي وكانت الرياح شديده وانا جيته بعكس اتجاه الريح وهالسبب اللي خلاه يبقى وما يشعر فيني غير فوقه والحمد لله رميته خرطوشتين لكن بقي فيه حيل وصار يعض بحاله ورجع علي و لولا ستر الله وكان صديق الي بقربي رماه خرطوشه ثالثه ولا كنت هلا بكرش هالذيبه هههههههه

الذيبه المغدوره

[ندعوك للتسجيل في المنتدى أو التعريف بنفسك لمعاينة هذا الرابط]

هاي اخي والذيبه بعيونها المخيفه سبحان الله وهية ميته تحس بقوتها

[ندعوك للتسجيل في المنتدى أو التعريف بنفسك لمعاينة هذا الرابط]


وهون انا والشباب بعد مرديت روحي وتاكدت اني لسا عايش هههههه

[ندعوك للتسجيل في المنتدى أو التعريف بنفسك لمعاينة هذا الرابط]



و بعد صيدنا لهذه الذيبه شكرنا اهل المنطقه كثيرا لما كانت تسببه من رعب وقتل للمواشي
بالنهاي ادعي الله ان لا تعود هالصدفه وان يبعد جميع اخواننا عن طريق هذا الحيوان الشرس

هلا بالمعلم سلندر الله يسلمك حبيبنااا

الله يسلمك ابو عبدو الحبيب اي يا زلمه قوي قلبك شوي وخليهن يدعولنا زياده شهرين كمان لانو بيني وينك لتروح خطيتها مننا ههههههههههه
مشكور عالرد الجميل ومابدك هالشوفه يا طيب الا ازا كنت بالسياره ومطارده اوكي انا معاك ولا ترحمها بالخشن لانو مو قليل و يشيل ضرب

السلام عليكم اخي الكريم كيفك شو اخبارك انا صياد من تدمر بس مقيم بابو ظبي وتفاجئت وقت قراة موقعك طلعنة قراب على بعض وحياك الله ياسبع

عشت اخي ابو علي الله يعطيك العافي فعلا هاي الصور الحلوي والحمد لله على سلامتك

وشكر خاص الى صديقك الي رماه الضرب الثالث وخلصك منه

تحياتي الصياد سعد

الحمد لله على السلامة


تنذكر ما تنعاد

ابو علي الغالي انا قلتلك انو ضفرك بمليار ديب وقلت انو كان فيكن تتجنبوه عكل حال الحمد لله على سلامتك

الله يعطيك العافية يا غالي ان لم تكن ذئبا" اكلتك الذئاب
وانت قدها وتحية مني ومن ابو زيد الحمصي وابو خالد

الحمدلله على السلامه اخو ابوعلي والله يرحمك ياديب وقعت بيد ابو علي

]color=darkblue]اخي ابواليث هذا الحيوان هوا قط ابو بس بري ويدعا بين العرب بي اسم الشيب وهوا اشرس من الديب وهذا الحيوان يعتبر من فصيلت النمور وحمدالله على السلامي تحياتي[/color]

اخي ابو اليث بحييك من القلب يا سبع لا عن عرض الوحوش مانك امخلي ولا ضبع ولا ذيب حتى الشيب صايدو وعلى فكرا ان الشيب ليس من فصيلة القطط او البس البري :scratch: لا **انه من فصيلة الذئاب ولاكنه خطير جدا *****هدا النوع الغريب من الحيوانات الي انت صايدو اسمو الشيب وهدا انقطع من زمان وكان فعلا اهاجم الجمال او شي ادك بجوزت الجمل وهوي الجمل واقف لانو كان يكمن لجمل بقلب شي شجرة شيح او ما شابه وقت اقرب عليه الجمل دك في ونط على رقبتو وعرت بجوزتو ولونو هادا الحيوان موجود لحد الان كان قرض البشر :?: لانو حيوان خطير جدا جدا وفي سالفة الكنك اسمعتها من شي 12 سنة الكنك اسمعت فيها صارت بين دير الزور وتدمر ***عي القصة واقعية ومعروفة عن الشيب-- كان في واحد من دير الزور يشتغل بالسعودية وكان مجوز وعندو 3 اولاد ومقيم هوي وزوجتو وولود بالسعودية قام حب ينزل بسيارة بر هوي واهلو من السعودية على سوريا وفعلا نزلو وصلو الشام وبعدها شدو يم دير الزور بتعرف انت المسافة بين الشام ودير الزور شي 450 كيلو متر ومرو من تدمر وهني متوجهين على الدير وبحدود الساعة الواحد ليلا تقريبا طلعو من تدمر طريقهون على دير الزوروبنص الطريق بين تدمر ودير الزور انحصر الرجال الله اعزك بدو يقضي حاجتو كانت الساعة تقريبا شي 2 وربع ليلا قام شاف جسر ابتعرف الجسر ابجي تحتو عبارة جسر ازغير قام دق رباعي وصف على اليمين وقال لمرتو اني نازل اقضي حاجتي وارجع مامعو لاسلاح ولا شي وفعلا نزل وزوجتو تستناه بسيارة قام اتأخر مااجة ربع ساعة ---نص ساعة ---ساعة وزوجته المسكينة خايفي وناطرة بسيارة قامت فتحت الشباك وتصيح يافلان يافلان ماحد ايرد وما اسجرت تنزل اتشوف شبو رجال تبعها قام وبصدفة مرت دورية جمارك سوريا الله يحميهم من كل شر مرة جاية مقابيلها وهي مولعة ضو السيارة من جوا واتشرلون لانون ماشيين على اقل من مهلو قامو انتبهو عليها وشافوها لفو ورجعو عليها فورا نزلو العناصر والضابط عليها قالولها شو في قالتلون دخيلكون وهي عم تبكي زوجي صارلو اكتر من ساعة راح تا يقضي حاجتو وما رجع لقمو الروسيات ورشاش500 بضهربيك اب ونزلو وهني مشغلين الكشافات ولا اذا بشيء مستلقي على الارض امامهم وفي شي عم ياكل منو قام هذا الشيء هرب مسرعا بسرعة قويا ولاكن حالفهم الحظ لشباب الله يجزيهو الخير الي قاعد على ضهر بيك اب وبيدو رشاش 500 الثابت ترزو درز لشيب ساواه غربال وقت قربو على الرجال اذااللهم عافية الشيب امطالع قلبو لبرا وعم ياكل منو ولاكن مو عرفانيين شو نوع هدا الحيوان المفترس قامو جابوه على تدمر مشان الصيدة يعرفو شو هدا وفعلا في عنى بتدمر ناس اكبار ختايرة الله يرحمهم ويرحمنا كانو شيوخ الصيد وعرفو فورا ---وشكرا هذه قصة واقعية ومعروفة من كثير من الناس وتقبلو مروري اخي ابو علي واخي ابو ليث والله يحميكم من كل مكروه وجميع اعضاء المنتدى الله يحميهم ***اخوكم حافظ

عشت حبيب
دير بالك على حالك من غدر البرية ابو علي
الله يسلمك انت واخوك والجميع
وتحياتي للجميع