طلعة خمس نجوم

موضوع: طلعة خمس نجوم السبت أغسطس 14, 2010 5:36 pm

تذكير بمساهمة فاتح الموضوع :

السلام على جميع الاخوة الاعضاء
من يومين عملنا طلعة انا وابو علي وابو جميل وساري ورعد وكان برنامجنا طويل وحلو وما في وقت فراغ بنوب
وبلش المشوار بضربة مبيت بط وبناء على طلب الشباب بأنو يكون العشا سمك نزلت على المي وضربت كم فرخ بالسهم وتأمن العشاء
وبعدها كان لازم نعمل فتلة صغيرة على الارانب وتوفقنا بأرنبين وختمنا الليلة بنومة حلوة على الهوايات
وثاني نهار الصبح كان لازم نعالج ارتفاع الحرارة بالسباحة والغوص وطبعا كان في افطار مرتب من ايدين ابو جمبل
يلي قرر انو يطعمينا لحمة بالطواية وبالقرب من مبيت البط كان في بيت مهجور طبخنا فيه واكلنا وطلعنا على البطات وتغريزة بسيطة على طرف المي اضافة للطلعة نكهة خاصة بس لحقنا المبيت وضربنا كم طير
وهاي كم صورة من الطلعة لاحلى مشرفين واعضاء وزوار منتدى الصياد السوري وعلى فكرة انتبهوا لطير الشهرمان يلي موجود بالصورة كان حالة خاصة لانو مو وقت وجود الطير هاد عندنا بس يمكن (خدمات ثابتة )
تحياتي للجميع
ابورعد

نتائج المبيت الاول

[ندعوك للتسجيل في المنتدى أو التعريف بنفسك لمعاينة هذا الرابط]

وهاي اكلة السمك

[ندعوك للتسجيل في المنتدى أو التعريف بنفسك لمعاينة هذا الرابط]

وهاي السمكات مع الارانب

[ندعوك للتسجيل في المنتدى أو التعريف بنفسك لمعاينة هذا الرابط]

ارتفعت الحرارة وصار بدها سباحة

[ندعوك للتسجيل في المنتدى أو التعريف بنفسك لمعاينة هذا الرابط]

تغريزة السيارة

[ندعوك للتسجيل في المنتدى أو التعريف بنفسك لمعاينة هذا الرابط]

وكمان نحنا بنغرز

[ندعوك للتسجيل في المنتدى أو التعريف بنفسك لمعاينة هذا الرابط]

اخر النتائج

[ندعوك للتسجيل في المنتدى أو التعريف بنفسك لمعاينة هذا الرابط]

السلام عليكم
مشاء الله اخوي ابو رعد فعلا طلعه خمس نجوم ابداع يامعلم بط وارنب وسمك الله يهنيكم بالرفقه المرتبه
والصيد الزين وبنتظار جديدك ياملك
وتقبل تحياتي

ابو معن الغالي
والله ما كان ناقصنا غير انت وكم شب من الشباب الطيبة
وعلى كل الاحوال معيودة يا معلم
تحياتي للجميع
ابورعد

ابو الحمزة يا ملك
والله مرورك زين الموضوع وانشاء الله من الحين ورايح ماراح تشوف غير كل جديد
لانو مثل ما بتعرف الموسم على الابواب
تحياتي للجميع
ابورعد

رحلة رائعة جدا الله يديم المحبه

صيدات حلوين وانشاء الله بكون في رحلات افضل وافضل

طلعة اكثر من حلوة حسب الصور وتتهنوا واذا النا نصيب نطلع الاجازة القادمة مع ابو رعد ورعودي ان شاء الله

سبع نجوم وحياتك يا بو رعود

مشكور مرورك يا شباب ومروركم حلا الموضوع
تحياتي للجميع
ابورعد

ما شاء الله الله يزيد ويبارك

رحلة صيد من العمر

شكراً لكَ

أخي العزيز

يا عيني عليكن يا دباحين الشهرمان والله بيضتا ابو رعد بهالسمكات الي حاطن على كتفك أثلجت قلبي كنت حابب اكون معكن لنتعرف على هالشباب الحلوين فرصة تانية انشالله

الله يديم الصحة والصحبة والمحبة :D

والله صحبة وقناصة بترفع الراس cheers

وسلامي لكل القناصة وبالذات الكل

والله يجمعنا بصحبتكم :[flash][/flash]

هلا بالشباب ونورتوا الموضوع
وفعلا الله يديم المحبة
تحياتي للجميع
ابورعد

هلا فيك اخوي ابو رعد ومااااشااااء الله عليلك مليون على هلطلعات الجميلة والرائعة ومو بس خمس نجوم بل عشرة نجوم

الاجواء عندكم باين عليها جدا حلوة

بط مداخيل السيل ولا احلى منه بس عاد ماعرفنا نوع هلسمك الموجود عندكم.. هل هو بحري او نهري؟؟

تقبل مروري اخوي ابو رعد وعقبال ماتزورنا بالخليج وندخلكم بحر وتاكلون اسماك الخليج ويانا

تحياتي لك

اخوك ابو عبدالله

هلا ابو عبد الله
مشكور المرور يا غالي
وبالنسبة لنوع السمك هاد سمك نهري واسم الاسود جري والثاني كرسين
وفي نوع ثالث معاهم
ونورت يا غالي
تحياتي للجميع
ابورعد

بتستاهلو والله صيدات حلوين ماشاء الله عليكون والله ازيد وبارك واقبال القطا الاسود والكرك والحباري انشاء الله -اخوك حافظ صياد تدمر بقدملك تحياتي وبتمنى بقرب فرصة نطلعنة شي طلعة

هلا اخ حافظ نورت الموضوع ومشكور مرورك الطيب وتعليقك الحلو
تحياتي للجميع
ابورعد

» طلعة صيد سمك 3
» طلعة بط من كم يوم
» صور اخر طلعة بط
» طلعة طرطوس
» طلعة فري وسمك