الى الخبراء بالروسي

ما هو سبب تكسير الاقواس بالتوز34--ولم تجد من كسر الاقواس عدة مرات واخر لم ينكسر معه القوس من 30سنة --كيف نحافظ عل الاقواس وما هي ميزات التوز وسبب غلاءه عن الايج

أجبت على سؤال التكسير و سأضيف معلومة التبديل أن القوس الجديد يجب أن يكون أصليا أيضا و صنع التوز أعلى من الايج تقنيا فلهذا هو أغلى

شكرا اخي ابو جاد ---ارجو من الخبراء الباقين اضفت الخبرة ولكم جزيل الشكر سلفا

المشكلة مع التوز ان الاستخدام المتكرر والطويل يودي فيه لمشاكل متل تكسير الاقواس وارتخاء الخشبالامامي وحدوث فراغ بين السبطانات وبين الماكينة والسبب الوحيد براي ان التوز اغلى هو المنظر الجميل والزخارف لوكن طبعا هذا الكلام عن القديم اما الجديد فالسعر واحد

الشباب جاوبوك أخي الكريم ... بس الفرق بين التوز ولأيج .. الأيج مطارق أما التوز أقواس وفي نوعين من الأقواس في أقواس روسي الأصلي ونادرا ما تلاقيهن وفي أقواس صناعة محلية .. بس نصيحة من أخ لأخ لا تضرب بلتوز أكتر من 32 جرام لأنو العيار الأكبر بكسر قواس ..

يسعد اوقاتك اخ دوريد اضيف لسلامة الاقواص
الحفاظ على ان يكون السلاح غير مصلي محرر بعد الانتهاء

ممنون شواربكم ايها الاصدقاء الكرام ساخذ بنصائحكم جميعا ---لان هذا السلاح اكثر من رائع منظر واهداف
والذي لفت نظري ان طول شوكه 18,5وهذا لايوجد في جفت قديم --اكيد اقصد بشوكه التضيق الامامي للسبطانة وهذا كله 18,2,3,4اما 18,5لايوجد وهذا يعطي تجميع خارق للمسافات

اخ دريد القياس الي حكيت عنو هوي بالعكس من كلامك اوسع قياس وبيكون عادة اسمو سيليندر طبعا ازا كان عيار الشوك او التضيق تبع الجفت وهادا بيعطي توسع للخردق على المسافات وما بيعطي تجميع
كل ما كان الرقم اصغر كان الشوك اضيق وبيعطي تجميع احسن على المسافات البعيدة
على كل احيان بيكون الرقم المكتوب مقصود فيه قطر السبطانة الداخلي مو الشوك
عادة البايكال بكل انواعو عيار 12 بيكون التضيق الداخلي للسبطانة 18.4
لازم تتاكد من الرقم المكتوب شو مقصود فيه
انا من نناحيتي بعرف انو التوز عادة بيجي مكتوب full وتحتا بيكون مكتوب 18.4 ازا ما خانتني زاكرتي والعيار الاول للسبطانة الي فوق والتاني للسبطانة الي تحت
بتمنى كون متزكر صح ومعلوماتي شبه صحيحة وماتاخد بكلامي عالاكيد
بالعكس سال الشباب الي هون لازم يكونو اخبر مني

هذا خطا يا اخي لاحظت كذا سلاح الرقم مكتوب على السبطانتان 18.4مرتين وهذا يعني طول التضيق وليس القطر--وانتمى يفيدون الشباب برائهم--انا كذلك متاكد لكتابتها مكرر على السبطانتان في عدة قطع

اخي دريد كلامي ما قلت انو صحيح مية بالمية بس انا بعرف انو كل الجفوت بيكون سبطانة فول والتانية يا سلندر او موديفايد
وشغلة ان قطر السبطانة من جوا هوي 18.4 فانا متاكد منو
والشركة الوحيدة الي عملت سبطانة من جوا قطرا غير هي الريمنغتون عملت سبطانة قطرا 18.8
ويمكن المقصود بالرقم عالسبطانتين انن عندن نفس القطر من جوا
ومننطر الشباب لنشوف شو راين

تحياتي لجميع شباب وأخوة كرام بلنسبة لتتضييق متل لبيكال مكتبوب عليها 18.4 يعني حسب معلومات هادة بكون قطر فوهة سبطانة ويكون بملم أي قطر سبطانة للبيكال طبعا من دون شوك بكون 18.4 وهادة قطر ما بيعطيك جمع للخردق على مسافات 40 متر أو حتى 35 معمول للمسافات قريبة,لاذلك ركبة لتشوكات على سبطانة بتضويق وعرض مختلف متل أكسترا فول شوك أمركاني يلي قطرو بكون 17.1 ملم ,شو خية فراس جربة تشوك 690 نشاله عجبك بتهديف.

اخي دريد الشباب ماقصرو بس 18.4 هاد قطر لان جرب دخل اصبعك بالفوهتين بتلاحظ الفرق

بس مع هالشيء لا تفكر بهي الارقام التوز حلو وانيق ورشيق بس نازيك ولازم ماتحملو زيادة

وانا عن نفسي بقلك دائما خلي مكنيك الية الزناد ( القواس والابر والاجزاء المتحركة ) غرقانة زيت

ولا تترك القواس مصلية ومارح تنكسر ابدا باذن الله ومنور .....

اهلين اخي علي
جربت الشوك 690 والشوك 660 وكانت النتيجة شي مخيف جدا

يا جماعة والله الي بيحكي عن الامريكان بالعاطل بيكون غلطان لانن والله ولاد حرام
يعني يلي بيشوف النتيجة الي وصلتلا بعد ما جربت الشوكتين بيغير قناعاتو بشكل كامل عن الشوك

عملت 4 كراتين ورسمت دائرة قطرا 30 سم علين
ومسافة القواص كانت 30 متر وقستا عالضبط
والخرطوش كان فلام اللبناني نمرة 7 وزن 28 غرام
جربت 4 شوك والي هني الرقم 4 والرقم 1 تبعوت البارودة والشوكتين الي جبتن من امريكا
الرقم 4 عبا كل الكرتونة وما في تجميع ابدا
الرقم 1 كان احسن بس يعتبر سيء لان تقريبا كان في 30 حبة بالدائرة
ال 690 كان ممتاز والرش متوزع بشكل مو طبيعي بالدائرة وفي شوية خردق برا
ال 660 كان فوق الخيال وفيكن تقولو انو ولا حبة خردق طلعت برا
لا تنسو المسافة 30 متر عالضبط
يعني الي بيصيب بهالشوك عالمسافة هي مستحيل يفلت منو ولا طير

مشكور اخ فراس
ياريت كنت تسوي موضوع عن هالتجربة وتحط صور الكرتون لانها تجربة جيدة

والله حقكن علي اخي علاء
بس المشكلة انو بالضيعة عندي بسوريا ما في نت غير عالموبايل وما خطرلي اني صورن وخلين حتى ارجع عالسعودية ونزلن بس انشالله الايام جاي

شكرا اخ فراس
الهم السلامة والتوفيق من الله

شكرا اخ فراس
الهم السلامة والتوفيق من الله

شباب رحتوا بالموضوع لبعيد ---ما المقصود بال18,4,3,2,5وهكذا علما انها تكتب على السبطانتان علما ان واحدة اضيق من واحدة وقد رائيت الرقمين عل اكثر من عشرين قطعة

الاخ العزبز دريد حسب معلوماتي انو 18.4 او 18.5 .....
هي قطر السبطانة من الداخل
على كل اذا بدنا نعرف اذا كانت قطر الشوك ولا لا
لازم نجيب اداة قياس دقيقه ( مابعرف شو اسمها بالعامية . انا دارس فيزياء وكنا نستعملها بالجامعة وشاهدتها في محلات العدد الصناعية )
ونقيس قطر شوك التوز
بتمنى من الشباب مين قادر يحصل على هيك اداة يساعدنا

انا مع الاخ علاء شاهين
ولااداة الي بيحكي عنا هي البياكوليس
ولما رح تقيس فوهة السبطانة بالتوز رح تطلع معك تقريبا 18 الي فوق فمستحيل يكون الرقم الي مكتوب 18.4 هوي التضيق تبع الشوك

عليك نور اذا 18,4 ماهو هو طول التضيق في نهاية بيت النار اما الشوك فموضوع مختلف

إخوتي الأعزاء.

تحياتي وشكري لكم جميعا على هذا الحوار الجميل يلي برجع بقول أنو الغاية منوا هو تبادل المعلومات والخبرات.

أما من ناحية القياس 18.4 المكتوب على التوزفهو بالتأكيد القياس الداخلي للسبطانة عند أضيق نقطة بالميليمتر (مكتوبة في كاتالوك السلاح)وتكون عادة هذه النقطة قبل الفوهة بخمسة سانتيمترات تقريبا ومن ثم يأتي الشوك فإذا كان سيلندر بقي القياس الخارجي 18.4 وإذا كان فول يصبح أضيق أي أقل من 18.4وكلنا نعلم أن أغلب الجفوت تأتي بشوكين الواسع عند الزناد الأول والأضيق عند الثاني على إعتبار أن الصياد إذا لم يصيب بالضرب الأول يكون الهدف المتحرك قد إبتعد وصار بحاجة لتجميع خردق أكبر وبالتالي شوك أضيق للحصول على نتيجة أفضل.

اخي القناص اللادقاني
شكرا الك لانك وصلت فكرتي بطريقة واضحة وهيدا الي كنت حابب احكيه من الاول بس مو ماعرف وصلو للاخوان هون
ان السبطانة من جوا بيكون قطرا 18.4 بمعظم الاسلحة الا الريمنغتون باسلحتا الجديدة عمليتا 18.8 مشان تقلل تشوه الخردق الطالع من السبطانة عن طريق تقليل الضغط عليه جوا السبطانة والشوك متل ما حكيت بيكون باخر السبطانة باخر كم سنتي منا

يعطيكم العافية يا أصدقائي
طبعاً كلامكم دقيق ولكن أحب أن أضيف أن الأرقام المذكورة 18.4 أو 18.3.....الخ هي عبارة عن القطر الداخلي للسبطانة في النقطة الموجود فيها الرقم بدقة وهي نقطة تلاقي نهاية حجرة الإنفجار مع السبطانة باتجاه خروج الخردق وهذه المنطقة تؤثر بشكل كبير على شبكة الخردق بالإضافة الى الشوك الأمامي .
ولكم الشكر

هذه النقطة التلاقي ايهما افضل ان تكون اصغر ام اكبر يعني 18.4او18.5ايهما افضل وبما انهم يفكرون ب18.8اذا كلما كبرت افضل ولكن هناك خطورة