اول مرة صدت عصفور

يسعد اوقات الجميع الفكرة كتير حلوة بس انا ماتذكرة اول عصفوريمكن كنت صغير
بس بذكرشغلة الله عز وجل سترني منها وهي اني اشتريت بارودة عيار32روسي وشتريت العدة وبدءت بلتعباية اولا البارود ثانين الظمبة ثالثاالخردق رابعا الظمبة بلنهاية تذكرة اني لم اضع الكبسون مباشرة كبسنت الفشك وهوا محشو والله ستر كان الفشك كتير تعبان وخاص جرن النحاس كان مهترء لم يحدث شي الحمد لله

مشكورين على المرور الله ستر اخي ابو ماهر
اخونا بنيلي شكرا علة مرورك بس انا شب يعني اخ مو اخت اسمي مرهف

مرهف بسن الخامسة أنا سددت بالجفت ال 12 على عصفور و كان معي الوالد طبعا و ضربته طبعا وقع العصفور لكني وقت أيضا من الجفت ههههههه و آلمني كتفي و بعدها علقت بالصيد كنت آخذ مصروف الولاد تشتري بسكويت و أنا أشتري فشك ههههههههههه

لما كنت صغير كنت روح على الصيد مع أبي وكان بآخر الصيد يمسكلي البارودة لأضرب خرطوشة أو تنين وكان يقلي أنو بس علق البارودة على كتفي و ما تضرب بالأرض بدو يشتريلي بارودة وصار الحلم أنو أطول بسرعة وبعد هل حكي بثلاث سنوات جبلي بارودة ضغط صينية مستعملة كانت تقريبا بطولي وكان يعطيني خردق ألمنيوم عرفت بعد زمن كتير أنو خفيف و إصابتو سيئة ومانو قاتل إلا على القريب المهم أنو أول طير صدته كان بهل بارودة وكان عصفور دوري وبعد ما صدته حطيتو نيشان وضربت عليه كذا ضرب وبتوقع ما صبت ولا واحد وبعدا ضليت حامل هل طريدة شي ساعة زمان.

مافي أحلى من الذكريات وبشكر كل مين عطانا سبب لنتذكر هل قصص الحلوة.

lمشكور ابو جاد عهالقصة الحلوة
شكرن ع مرورك صياد اللاذقية

صباح الخير
انا بالنسبة الي بديت الصيد من عمر 7 سنين و كانت بدايتي اصيد بالفخ و الدودة و اطورت معي الامور اشتريت بارودة ضغط و صرت اصيد على الاشجار بين البيوت و بعدين سويت باردة حشي من ماسورة دركسيون السيارة و بلشت المراحل تتقدم لحتى صرت اطلع بالجفت على الوز و الحمام و الارانب و اكتر طلعاتي كانت على سبخة الجبول و ياعيني على الذكريات ما احلاها بس هلأ و بعد ما تغربت الي شي 10 سنين روحي بتفرك فرك على الصيد بكل ادواتو و بكل اشكالو بالفخة - بالبارودة - بالسنارة - بالشبك
والله يسعد ايامكم

صباح الخير
انا بالنسبة الي بديت الصيد من عمر 7 سنين و كانت بدايتي اصيد بالفخ و الدودة و اطورت معي الامور اشتريت بارودة ضغط و صرت اصيد على الاشجار بين البيوت و بعدين سويت باردة حشي من ماسورة دركسيون السيارة و بلشت المراحل تتقدم لحتى صرت اطلع بالجفت على الوز و الحمام و الارانب و اكتر طلعاتي كانت على سبخة الجبول و ياعيني على الذكريات ما احلاها بس هلأ و بعد ما تغربت الي شي 10 سنين روحي بتفرك فرك على الصيد بكل ادواتو و بكل اشكالو بالفخة - بالبارودة - بالسنارة - بالشبك
والله يسعد ايامكم

والله يا حبيبي انا اول عصفور صيدتو كان دوري ببارودة ضغط ديانا 27 كان والدي معي ورحت جبتو وصرت اركد وكنت مبسوط كتير

مشكورين شباب على ه القصص الحلوة فعلن الذكريات حلوة

ياشباب طولوا بالكم عليي شوي وشوفو كيف صدت اول عصفور

انا احد اصدقائي الي بعدو لحد هلا صياد ومنصيد سوا كان عمرنا تقريبا 12 سنه

ولقينا على سطح بيتهم خشب خلفي لباروده دك يعني كانوا يعبوها من السبطانه

فا اخدنا الخشب وبلا طول سيره استخدمنا قسطل تمديد ماء وسديناه من الخلف بخرطوشه 12 نحاس

وربطناه على الخسب وحشينا السبطانه الي اخترعناها بارود بوتاس لون زهري وورق جرائد بعدين خردق وكمان ورق

وحطينا محل كبسولة الضرب قشة كبريت وجربنا واحد يسدد وواحد يشعل الكبريت

وبعد اكتر من خمس محاولات صدنا ابو الحن

والله لطف فينا انها ما انفجرت

وتم إختراع بندقية الصيد على يد أخينا طائر الفينيق

(مزحة من قبل أخوك طبعا)

والله مبسوط بتعليقك

وبحب المزاح كتير

منور اخوي

رح ضيف قصتين عن الصيد و إن شاء الله تعجبكن.

الأولى عن أبي بأيام صغره أخد بارودة الدك من جدي بس ما لاقى خردق فجاب سلك منشر الغسيل وصار يقصه قطع صغيرة بحجم الخردق و للعلم ما كان معه أداة للقص فكان يقصه بالإزميل والحجر و عمل حفنة خردق عبا فيها البارودة و إستطاع أن يصيد فيها باكاسين مي و الأحلى أنو ما لاقى بالباكاسين أي جرح يعني الخردق يلي عملو ما قدر يخرق الطير بس أخد جائزة إختراع الخردق.

أما القصة التانية فهي لصديق لإلنا من بانياس كنا بمنطقة صوران بحماة بصيد المطواق وصاحبنا خرم على سيكارة و معو دخان بس ما معو كبريت فأخد خرطوشة نحاس مليانة و شال منها الخردق وحط على تم الجفت محرمة و ضرب الخرطوشة وشعل طرف المحرمة فصار ينفخها لشعلت منيح وشعل فيها السيكارة وأخد منا جائزة أكبر قداحة بالعالم.

بعتذر أنو غيرت الموضوع الأساسي بس شفتا فرصة لنخبركون هل قصص.

سلامي للجميع

هي حلوه والله

مشكور اخي قناص اللاذقية
في مثل شامي بيقول ( بيحرق الحارة مشان يشعل سيكارة ) هي نطبقت على رفيقك
عراسي اخي ابو يوشع مشكور على مرورك
شكرن لالكن شباب على هالقصص الحلوة