جفت روس إيج / شو رأيكم فيه

مسا الخير شباب
حابب اسألكم عن جفت روسي إيج عينتين فوق بعض زناد واحد ، شو رأيكم فيه ، وإذا في حدا جربوا يعطيني رأيو فيه من كل النواحي ، صايرلي واحد وبدي أخدو ، بتنصحونا واللا شو .
وشكراً مقدماً .

اخي صفوان يمكن هاد الجفت الروسي توز 37 بزناد واحد

ان كان هاد هو فالجفت رائع وعلى فكرة هو قليل عنا لانه بدو تعامل خاص معه واغلي يلي شفتن حاملينه المحترفين والقدامى بالصيد وبيجي سوبر فوق بعض
ميزته بزناده انك فيك تبدل مكان اطلاق الفشكة من الصبطانة العلوية نحو السفلية عن طريق دفع الزناد نحو الامام وهاي النقطة السر بامتلاكه من الصيادة المحترفين يعني بدو سرعة بديه في التعامل

لكن خطورته :

اسلحة الزناد واحد هي من اسلحة الارتداد يعني لما بتقوص اول فشكة العين التانية بيصلي القوس فيها وبتصير جاهزة للاطلاق وهون الخطورة لانه ممكن السلاح مع اي صدمة على الارض او حركة مفاجئة يطلق الطلقة

عموما الجفت حلو

اخي الكريم جفت ايج 27 ممتاز وغالبا يكون ماغنوم وكما معروف السلاح

الروسي قديم وعريق وغنى عن التعريف.

ولكن بعتبره خطر لانة بزناد واحد متل ماتفضل اخي هشام

لانه عند ضرب اول خرطوشة تكون الطلقة الثانية مهيئة وجاهزة للأطلاق...

انا بعرف الجفت الروسي منيح بس زناد واحد بيخوف( كم سعره

مشكورين ياشباب على آرائكم القيمة واهنمامكم بالموضوع
ولكن عندي تعقيب بسيط فقد سأل الأخ / أبو رامي عن نوع الجفت فهو جفت إيج صناعة روسية وبصراحة لا أعرف إن كان ماغنوم أو سوبر ماغنوم فلا أذكر ذلك وعيار الجف ( 12 ) ،وتعقيبا على رد الأخ / هشام فالجفت حسب ما جربته فلا يمكن تحويل الإطلاق من السبطانة العلوية إلى السفلية لأن الأمان مجرد أن تفتح الجفت يقوم بالإغلاق والتأمين ويجب عليك عند الإطلاق أن تفك الأمان وحركة الأمان حركة واحدة إلى الأسفل ، وكلامك صحيح فقد رميت بجفوت يكون الأمان فيها له ثلاث حركات ، واحدة أمان وواحدة يبدأ الإطلاق من الأعلى وواحدة يبدأ الإطلاق من الأسفل ، أما بالنسبة للسلاح إن كان يصلي الأبرة الثانية بالإرتداد فلا أعتقد ذلك لأنني جربته وهو فاضي وفتحت الجفت وسكرتو وبعد فك الأمان ضغطت الزناد أول مرة ضرب الأبرة فوق وثاني مرة ضغطت الزناد ضرب تحت وبدون وجود خرطوش ، وبصراحة أنا غير إنو بدي أخدو للصيد ، فأنا بدي أخدو لمسابقات الرماية فهذا النوع غالباً يستخدم للرماية السكيت والتراب والدبل تراب ، وبناءاً على إجماعكم بأن الجفت جيد ، فسوف أخذ برأيكم وأخذ الجفت إن شاء الله .

اخ صفوان انا من تجربتي بالجفت 37 فيك تبدل الاطلاق بدفع الزناد الى الامام

اما الامان يلي حكيت عليه فهي ميزة حلوة بالجفت وتقريبا بالروسي القديم موجودة

اما الجفت يلي عم تحكي عليه سوال لو سمحت الصبطانات من الفوهة واسعين بشكل اكتر من المعتاد ياريت ترد علي

لانه ان كان هيك بدو يعذبك كتير بالصيد الاان كنت اخذوا متل ما تفضلت للرماية

اخي كريم صفوان هدا جفت من احسن انواع روسي وانا بي عمري مانكسرت ابري معي بل روسي اما ايطالي بي كسر كتير وشتري والف مبروك ولا تسئل عنو لانو معروف متل ماقال اخي ابورعد تحياتي

الاخ صفوان السلام عليكم بندقيه حلوه وجيده وانا اعتز ببنادق الصيد روسية الصنع وعندي واحده \\ مفرده\\وقديمه جدا لكنها فاخره تقبل تحيات اخوك الصياد ابو زيد الجو عاني الانبار

السيد صفوان إذا كنت متأكدا أن القطعة روسية فوكل الله وخذها فالروسي سلاح جبار ولنا ثقة به ومشكلته الوحيدة والدائمة وزنه أما غير مشاكل ومن تجربتي أقول لك من فترة اشتريت إيج 43 جنب بعض جديد مع نظام شوكات وكنت محسودا عليه ولكن أزعجني فيه شيئ هو الزنادان حيث ورائهما فراغ ويمكن تحريكهما إلى الأمام بشكل لآيوحي بالقوة وثاني مشكلة كنت أطلق الطلقة الأولى في بعض الأحيان لايجاوب الزناد الثاني أحتاج أن أكسر الجفت لأستطيع إطلاق الطلقة الثانية فمليت منه حيث أصبح مثل المفردة ولذلك بعته وخسرت فيه ذلك المبلغ وهكذا قد ترى قطعة رائعة وعند استعمالها تفقد روعتها .